# Taduan panuac daa di Tổng Bí thư, Akaok negar Nguyễn Phú Trọng, Chủ tịch Triều Tiên Kim Jong-un peih bruk rivang Việt Nam meng harei 1-3. Biar harei 1/3, di Phủ Chủ tịch, Tổng Bí thư, akaok negar Nguyễn Phú Trọng dang tabiak peih bruk raok Chủ tịch Kim Jong-un. Hadei di nan, dua urang pal akaok tame bruk ginum biai.

  # Thủ tướng rajaei patabiak danak dak tổng thể di rajaei ka bruk patak pataom, pacang palai pajoa thun 2019. Dalam nan, peih bruk patak pataom 10% jien cai pandar gam gam; patui bruk cakak trun taong abih bruk peih lễ động thổ, lễ khởi công, peih pakak dom danak dak padang ngak cơ bản, lingiu dom danak dak prong pakat negar , danak dak dự án nyaom A, danak dak hu makna prong ka  kinh tế, chính trị, ilamu - xã hội di puk palei.

# Dalam bilan 3 ini bal raya Hồ Chí Minh caong hu jaik 30.000 urang ngak. Kadha njauk ndom di Darak pasar urang ngak hadei di Tết nan lac dom doanh nghiệp pataom tame palih ruah rilo urang ngak piah cakrok patagok bruk ngak tabiak, pablei salih dalam thun 2019. Ini lac jalan peih tabiak ka urang ngak, abih di nyu lac sinh viên, học viên bac bloh, duah bruk ngak saong urang ngak caong khin salih tapa bruk ngak karei ka nyu laghaih. 5 nyaom bruk ngak patagok samar dalam bruk cách mạng công nghiệp mbang ka 4 caong palih ruah bahrau tagok glaong yau: njaom bruk ngak công nghệ thông tin; nyaom bruk ngak công nghệ tự động hóa.. .

# Tui panuac di  Hội đồng chuyên môn Sở Y tế  tỉnh Bình Định song lambaok mintri Y tế, makna ba tal metai di uranaih 2 bilan hadei di tuk klauk vắcxin ComBE Five du bilai  y tế xã Hoài Châu, huyện Hoài Nhơn lac kayua  phản ứng trak hadei di tuk klauk vắc xin ComBE Five song medhi lac uranaih  hu ruak boh hatai meng tian amaik. Bruk klauk jru vắc xin ComBE Five hu peih ngak 3 bilan gam di  Bình Định song urak ni hu sa mbang njauk  phản ứng trak ba tal metai. Ni lac tỉ lệ phản ứng biak beir, dok dalam tanut brei adat diGah y tế dunya song gah ngak vắc xin ba tabiak.

Hadei di bruk ni, Sở Y tế tỉnh Bình Định brei padeih klauk vắc xin ComBE Five  dalam tỉnh song lô vắc xin ComBE Five ni hu jao veik ka mintri Y tế, cang adat di mintri Y tế meng peih bruk klauk veik . 

# Tổng cục Jalan mbak Việt Nam bahrau hu harak khan brei thau ka kết quả pasang iek bruk thu phí di balai thu phí Dầu Giây angaok canah jalan cao tốc TPHCM - Long Thành - Dầu Giây hadei di mbang njauk blah mek 2,2 tỉ đồng. Tui  pasang iek harak gar thu phí meng harei 28-1 tal harei 8-2 brei mboh harak gar thu phí hu ngak ginup abih. Taong abih jien thu phí di balai 1 ca 8 tuk ini, lac labaih 2,55 tỉ đồng. Tổng cục taong yaom lac yaom jien angaok nan njauk haong pathau khan dahlau nan. Tapa bruk pasang iek jeng brei mboh, bruk thu phí meng dom bruk lac patabiak vé thẻ, thu phí, pasang iek, nộp jien tal bruk pathau khan di balai thu phí Dầu Giây njauk tui bruk thu phí hu mboh tangin brei adat.

Khaw tin dunya:

# Hadei di mbang taom gaok pakat glong Mỹ - Triều Tiên mbang ka 2 meng bloh rah tabiak di Hà Nội, rilo harak mbao, hãng thông tấn prong di dunya hu vak kadha, bình luận song rilo panuac ndom lac: Bruk Việt Nam jeng labik rah tabiak bruk prong ni brei mboh negar ni daok jeng sa negar njauk caik hatai jia, hu trách nhiệm di dunya. Dom kham merat ni di Việt Nam hu patagok tuk negar ni ngak akaok ASEAN dalam thun anak tal song dok ứng cử ngak thành viên không thường trực di Hội đồng Bảo an Liên hiệp quốc dalam thun 2021.

# Ấn Độ brei mboh hatai caong khin Trung Quốc meda pachreih tui kadha ba tabiak di Mỹ, Anh saong Pháp ka bruk ba urang pal akaok kapul khủng bố Jaish-e-Mohammed Masood Azhar tame angan khủng bố angaok dunya di Hội đồng Bảo an Liên hiệp quốc (HĐBA LHQ). Dom nguồn tin meng Raja-ei Ấn Độ brei thau negar ini hu brei ka 5 negar thường trực di HĐBA LHQ thau ginup abih thong tin ka mạng lưới khủng bố kayua Azhar pal kaok gam haong dom makna bo urang ini njauk ba tame angan khủng bố angaok dunya. Dalam 10 thun tapa, Masood Azhar njauk 3 mbang hu panuac ba tame angan khủng bố duanya di HĐBA LHQ, min bruk ini gam gam njauk  Trung Quốc klaak tapa.

# Tập đoàn xăng menyek negar Venezuela PDVSA brei thau, pablei tabiak negar langiu menyek tamo di negar ni trun tal 40% dalam bilan 1/2019, meng  1,66 triệu thùng/sa harei trun dok 920.000 thùng/sa harei kayua dom jalan trừng phạt bahrau bo rajaei Mỹ ba tabiak di akaok thun piah kateik greik rajaei di  Tổng thống Nicolas Maduro./.