# Harei 21/1, amuk Đặng Thị Ngọc Thịnh, Ủy viên Ban Chấp hành T.Ư Đảng, Phaok akaok negar hu mbang nao rivang, alin brei pandap ka baoh sang sarak karja, urang njauk jru mek kalik kruac, uraang ngak saong uranaih hu rai diuk kan kandah dalam tỉnh Bến Tre tukvak Tết Nguyên đán Kỷ Hợi 2019. Phaok akaok negar  saong kapul urang ngak bruk hu alin brei 30 pok pandap ka baoh sang sarak karja, urang njauk jru mek kalik kruac, 30 pok pandap ka dom uraniah hu rai diuk biak kan kandah, 50 pok pandap ka urang ngak dalam tỉnh Bến Tre, yaok pok pandap hu yaom 1,3 triệu đồng.

# Urak ini, urang ngak di Cty CP Patagok mblang bein phun hijao saong đô thị Vũng Tàu daok kham merat ngak dom bruk piah samu peih mbaok Hội hoa xuân ban sit Vũng Tàu di harei 1/2 (lac harei 27 bilan mat thun sak sau). Dom mô hình pabui patuah jamo, ceik praong – ceik sit…, dom tiểu cảnh glainhiệt đới, non bộ… daok ngak jaik bloh. Ông Nguyễn Bá Hoàng, phaok akaok jabat Đầu tư-Xây dựng, Công ty CP Patagok mblang bein saong đô thị Vũng Tàu brei thau, urang ngak daok kham merat ngak pasiam dom bruk puac di abih, ngak harei ngak melam piah peih mbaok njauk tukvak ba tabiak.

# Piah caga pacang biến đổi khí hậu, thun 2019 tỉnh Ninh Thuận brei salih janih phun pala jaik1.200 ha piah patagok  kein laba bruk pala ngak, paglaong jien mek tame angaok sa mblang taneh pala drak ka urang nong daok di bhum taneh thu lagu. Hadei di bilan Đông Xuân 2019, labaih 530 ha taneh ngak padai saong taneh karei hu salih tapa pala phun katut harei saong phun atah harei. Dom mblang taneh daok veik hu salih janih phun pala di bilan Hè Thu saong vụ Mùa patui di nan dalam thun.

# Urak ini ia mbak 4‰ daok njom dalam tame dom kraong di tỉnh Bến Tre yau kraong Tiền, kraong Hàm Luông, kraong Cổ Chiên ... Anak bruk nan, UBND tỉnh Bến Tre samar hu harak pandar dom urang jakar dang akaok dom jabat, dom gah pambuak tal, patagok bruk tacei pato pacang caga bhang pandiak, ia mbak.

# Harei 22/1, Công an huyện Hóc Môn, bal raya HCM brei thau jeng daok peih duah thau ngak brei cambaih laih bruk sa urang likei daok di ấp Đình, xã Tân Xuân, huyện Hóc Môn njauk pametai di page 20/1. Urang njauk pameti nan, lac ong Nguyễn Văn Bốn, umo 53 thun, daok di sa baoh sang dalam ấp Đình, xã Tân Xuân, huyện Hóc Môn. Dahlau di nan, page mesup harei 20/1, ong Nguyễn Văn Bốn njauk pametai di sang ong ngan haong rilo inem klauk di takoi. Tui panuac khan di amuk Nguyễn Thị Vẽ (hadiuk di urang metai) haong jabat điều tra: dalam tuk dua diuk pasang daok ndih ye pang mahit sap iew pambang, tuk tabiak ye mboh sa urang likei dam cuk ao jhuk ndom lac thợ sửa điện saong caong khin tame dalam sang. Tuk nao tame hu dalam sang, urang likei ini pal to klauk ngak ka ong Bốn metai saong đe dọa amuk Vẽ blaoh peih pambang nduac tabiak. 

Khaw tin dunya: 

  # Nyaom biai kinh tế dunya 2019 rah tabiak meng harei 22- 25/01 di Đa vớt( Thụy Sỹ). Nyaom biai hu mbaok labaih 3 ribau urang lambaok haong labaih 65 urang dang akaok dom taneh ia saong urang pan akaok rajaei, lambaok dom kapul nyaom dunya. Nyaom biai ba tabiak dom bruk ngak bahrau, khang kajap piah lagaih saong sa dunya bo di labik nan, mbeik drei tame dunya khang kadang  lac jalan oh plaih hu.

# Kuhria tal harei 21/1, hu 234 sang bac mầm non saong pasak iek glang uranaih di Hồng Công njauk kareik pabah mbang kayua jit cúm. Pasak pacang cakak jit ruak njaom mbak di Đại học Hồng Công brei thau, jit cúm tui bilan di Hồng Công daok di tukvak tabung glaong. Dom uranaih umo ala 5 thun njauk ba tame sang iek ruak di tanut glaong hadei di tuk jit cúm mùa pak ini yam tapa adit ka 2, dalam nan hu 11 uranaih njaom cúm trak.

# Dom urang metai dalam bruk 2 sruh kapal pajeng menyek tual hala dok Tan-da-ni-a khuah di lingiu tasik bán đảo Crưm dalam Biển Đen harei 21/1 tagok tal 14 urang saong daok hu 5 urang oh ka duah mboh. Dua sruh kapal lac Kan đi (Kandy) saong Ma-ét-strô (Maestro), yaok sruh pajeng meng 14 tal 17 urang, dalam nan hu dom urang Ấn Độ saong Thổ Nhĩ Kỳ. Pui khuah tuk 2 kapal daok njuk menyek meng kapal ini tapa kapal daih, saong dom thủy thủ ba gauk chat trun tasik./.