# Tukvak pahadar 64 thun harei Gru jru Việt Nam, page  26/2, Thủ tướng Nguyễn Xuân Phúc hu mai rivang, pachreih ba dom gru jru, urang ruak di Sang iek ruak Bạch Mai, hu mbaok di tuk tabiak bruk pakacah gauk anit ranam taneh aia di sang iek ruak. Brei panuac pak nan, tadhau yuh sang iek ruak hu Đảng, Karja, Raja-ei alin brei rilo pok meyaom prong glaong ka 6 kapul nyaom saong 2 urang dalam Sang iek ruak Bạch Mai, Thủ tướng pandar dom pakat, dom ngành saong taong abih xã hội njauk iek prong bruk ngak, bruk rik daong kandang joa di kapul nyaom bác sỹ, urang ngak gah y tế. 

# Harei  26/2, Tổng cục jalan mbak Việt Nam brei thau, tapa pasang iek thau hu bruk thu phí di bilai  thu phí Dầu Giây di jalancao tốc TP. HCM - Long Thành - Dầu Giây hadei di mbang blah jien 2,2 tỉ đồng. Tui harak gar khik veik di bilai  dalam dom harei meng harei 28/1 tal harei 8/2, bilai thu phí Dầu Giây mek hu 13,271 tỉ đồng, tui kuhria sa harei melam (3 ca) mek hu 1,1 tỉ đồng; hu buh tame kadung jien gilang pariak 10,5 tỉ đồng; njauk blah harei 7-2 lac 2,22 tỉ đồng, jien thu phí dok veik 465,08 triệu đồng. Tui  Tổng cục jalan mbak VN, pathau khan ka bruk blah bo Tổng công ty Đầu tư patagok jalan cao tốc Việt Nam (VEC) brei thau di bilai thu phí Dầu Giây rah tabiak bruk blah 2,22 tỉ đồng meng két di bilai.

  # Meng akaok thun 2019 tal ini, dalam negar hu labaih 400 urang njauk ruak sởi di 43 tỉnh, bal, oh hu urang halei metai. TP. HCM, Bình Dương… hu manuac urang njauk ruak rilo di abih. Jeng dalam tukvak ini, Bình Thuận hu 13 urang njauk ruak sởi, dalam nan hu 9 urang dương tính haong vi rút sởi, 4 urang hu triệu chứng lâm sàng; dalam thun 2018 oh hu urang halei njauk ruak ini. Manuac urang njauk ruak mboh rilo di 4 huyện, bal nan lac Tánh Linh, Phan Thiết, Tuy Phong saong Hàm Thuận Bắc. Tapa nan mboh lac manuac urang njauk ruak sởi di 2 bilan akaok thun 2019 dalam tỉnh tagok glaong. 

# Thống đốc Gilang pariak karja gam lac akaok Hội đồng quản trị Gilang pariak sarak karja bahrau mbaoh tangin brei tabiak harak Quyết định ka 12, harei 22/2/2019 ka bruk tagok yaom brei mesraiy song tuk vak brei mesraiy rilo di abih ngan song boh sang kathaot piah pabak phun jien ka bruk sản xuất, pablei salih. Tui nan meng harei 1/3/2019, yaom brei mesraiy rilo di abih ngan song boh sang kathaot hu patagok, meng 50 triệu đồng/boh sang  tagok 100 triệu đồng/boh sang  hu mesraiy. Saong daok brei patagok tuk vak brei mesraiy rilo di abih tal 120 bilan piah lagaih song tuk vak patagok di dom urang ngak mbang suai lavik.

# Jaik 6 tuk harei page harei 26/2, angaok jalan cao tốc TP.HCM - Trung Lương (labik nao tapa xã Nhị Thành, huyện Thủ Thừa, tỉnh Long An) rah tabiak bala di 3 radaih container, akaok katung ngak ka sa urang metai, sa urang njauk rambuis. Tui panuac khan tuk akaok mereip, sruh radaih akaok katung tuan biển số 61R01895 (oh ka thau angan urang peih) nao angaok jalan cao tốc TP.HCM- Trung Lương tui gah Tiền Giang mai bal raya HCM ye khut jamriak ndih angaok labik jalan cao tốc ini. Hadei di nan, urang peih radaih angan Nguyễn Văn Thiện (palei daok di tỉnh Hải Dương) peih radaih 61C20145 mai katung dui radaih đầu kéo nao. Tuk sa-ai Thiện saong urang peih radaih akaok katung trun jalan dang mong iek radaih ye hu sa sruh container tuan biển số 51D11105 (oh ka thau angan urang peih) nduac mai ginuh tame iku radaih akaok katung. Radaih akaok katung njauk jhul nao sa đoạn saong paoh tame ngak ka sa-ai Thiện metai, urang peih radaih container 51D11105 njauk rambuis saong hu ba tame sang iek ruak cấp cứu.

Khaw tin dunya:

# Truyền thông Nhật Bản, Hàn Quốc brei thau ong Kim Châng Ưn (Kim Jong-un) hu tal Việt Nam di harei 26/2. Truyền thông NHK brei thau urang pal akaok Triều Tiên Kim Châng Ưn tal Việt Nam piah hu mbaok di nyaom biai pakat glong Mỹ-Triều mbang ka 2 song rivang Việt Nam. NHK jeng hu ndom lac bruk prong abih ka mbang taom gaok hu rah tabiak dalam 2 harei 27 song 28/2, meda lac dom thỏa thuận cambaih laih pagam tal phi hạt nhân di palao kaoh  Triều Tiên.

# Thư ký báo chí Nhà Trắng Sarah Sanders brei thau lac tổng thống Mỹ Trump meda taom gaok urang pal akaok Triều Tiên - Kim Jong Un dalam melam page 27-2 di Hà Nội dahlau di tuk mbang var melam haong gauk. Dom mbang taom gaok hadei di nan di dua gah meda hu peih prong ngan haong bruk hu mbaok di dom urang jakar pakat glaong saong cố vấn.

# Tui mintri ngak nong song dom bruk palei pala Trung Quốc,mbang camereip hu duah mboh jit tả pabui di sa nông trại daok di huyện Từ Thủy, dalam ban  Bảo Định di tỉnh Hà Bắc. Dalam tapon  5.600 drei pabui pak ni, hu dom drei metai kayua njom jit tả pabui. Nông trại ni, urak ni hu pacang veik song dom athur njom ruak hu ba nao am cuh. Labik ka 2 lac bhum ceik Đại Hưng An di Nội Mông, sa labik hu 210 dalam tong abih 222 drei pabui rong pak ni metai kayua njom ruak. Dom pabui daok veik urak ni njauk am cuh klak./.