# Page harei 27/2, Tổng bí thư, akaok negar Nguyễn Phú Trọng hu taduan raok Tổng thống Mỹ Donald Trump di Phủ Chủ tịch. Ini lac mbang rivang Việt Nam mbang ka dua di ong Trump kuhria meng bilan 11-2017 tuk ong Trum mai hu mbaok dalam Nyaom biai pakat glaong APEC di Đà Nẵng saong rivang pakat karja Việt Nam hadei di nan. Tui kuhria dalam dom harei hu mbaok dalam Nyaom biai pakat glaong Hoa Kỳ - Triều Tiên mbang ka 2 saong rivang Việt Nam, ong Trump saong urang pal akaok Việt Nam meda hu mong iek brukt mboh tangin tame dom văn kiện đầu tư. Dalam talei rohim dua gah Việt - Mỹ tukvak jaik di ini, talei pambuak bruk pablei salih - đầu tư hu mong lac sa bruk prong di abih.

# Pahadar 64 harei gru jru Việt Nam (27/2) sang eik ruak Quân dân y 16, Binh đoàn 16 pambuak bruk song UBND xã Đức Liễu  huyện Bù Đăng, tỉnh Bình Phước peih bruk iek ruak, brei saoh jru song alin pandap ka dom boh sang sarak karja, mik va bangsa takik, boh sang kathaot dok dalam xã. Kapul hu alin 300 pok pandap brei ka dom boh sang sarak karja, mik va bangsa takik, uranaih metui medar, urang jaoh jo, urang hata. Abih tih yaom jien ka mbang iek ruak ni, lac labaih 100 triệu đồng, hu kaoh meng pok jien dong meng  Công ty TNHH MTV 16 song kadung jien di sang iek ruak.

# Tui Cục Thú y (Bộ NN-PTNT), kuhria tal urak ini, yaom lac jit tả pabui châu Phi bahrau hu mboh di 4 tỉnh (Thái Bình, Hưng Yên, Hải Phòng saong Thanh Hóa) min yaom pabui dalam taneh ia jeng trun khang kayua huac lac jit tả pabui meda njaom mbak prong. Di Nam bộ, labik urak ini jeng daok atah bhum jit, yaom pabui hơi daok trun tagok rilo. Di Bình Dương saong Sóc Trăng, yaom pabui tagok 1.000 đồng/kg dalam harei 26-2 min di Vĩnh Long saong Cần Thơ yaom trun. Tui nan, yaom pabui di Vĩnh Long trun 2.000 đồng daok 53.000 đồng/kg, di Cần Thơ trun daok 56.000 đồng.

# Dalam bilan thu, di tỉnh Bình Thuận, bruk pandar pong piah meon gha phun thanh long tagok glong. Kayua Yau nan ye, pong hu jeng pandap chit jien. Ni lac tuk vak pala suan bilan di dom sang bein  pala  thanh long di tỉnh Bình Thuận. Gam song jien điện truac gom, urang nong dok abih dom janih jien karei piah khik ka bein thanh long tamuh siam, brei rilo baoh. Dalam nan, bruk pandar pong meon tame gha thanh long piah khik pasah lac oh meda kurang hu. Caga tame tuk tabung glong bilan pandiak, tong abih sang bein halei jeng ngak bruk ni, kayua yau nan ye pong jeng sa pandap chit jien. 

# Tui Chi cục Kiểm lâm tỉnh An Giang, urak ini, labik mbon ceik dalam tỉnh daok dalam bruk mbuan khuah glai pakat V (pakat biak mbuan khuah di abih). Tuk hu khuah mbuan njaom mbak samar, ngak jeng mbang khuah prong. Kuhria meng harei 1-3, gah kiểm lâm meda peih bruk mong iek luac harei melam dalam luac bilan thu piah pasang iek catang manuac urang tame dom glai mbuan si khuah glaong, patrun patakik bruk pandar apui; samar duah mboh labik khuah; tacei pato tuai damuai mai rirang ma-in di dom labik mbuan khuah. Taphia di nan, brei menuac nao khik iek di dom labik mbuan si khuah; pasang iek bruk peih ngak jalan pacang khuah, padam khuah glai, khik ginup manuac sia lực lượng, phương tiện tui jalan ngak “4 di labik”.

Khaw tin dunya:

# Tui kuhria mboh di Tổng cục Hải quan Thái Lan, bruk blei cà phê meng taneh ia lingiu di negar ni thun  2018 lac jaik 65 ribau tấn, yaom labaih 142 triệu đô la Mỹ. Dalam nan, cà phê Việt Nam pablei di Thái Lan hu tagok khang, meblah tal 92% cà phê blei meng taneh ia lingiu thun 2018. Việt Nam lac sa labik pabak  cà phê prong abih ka Thái Lan song  tốc độ blei tame thun  2018 tagok  42% gah gah cà phê saong  11% gah yaom jien dut song thun  2017.

# Tui kuhria mboh, abih tih manuac sia mong iek lễ jao giải Oscar 2019 hu papar binguk tapak angaok kênh papar binguk ABC hu tal 29,6 triệu mbang mong iek, gaok tal tanut rating ấn tượng 7,7 di nyaom urang prong (umo meng 18-49 thun). Bruk ini brei mboh pren dui pachreih di Oscar daok mai veik haong urang mong iek  Mỹ hadei di 5 thun laik trun. Bruk kuhria mboh nan kayua Công ty Nielsen peih ngak jeng brei mboh lễ jao giải Oscar 2019 hu mbaok di dom mạng xã hội dalam melam 24-2, ngan haong 17,7 triệu mbang tương tác, dalam nan dom bruk pambuak tal angaok Twitter meblah 75%, patui nan lac Instagram saong Facebook.

# Jabat iek bruk Khẩn cấp negar In-đô-nê-xi-a bahrau brei thau, yaok pluh urang njauk lam lahik dalam mbang glut jealeih taneh di sa mỏ ngak meh suan adat hukum di tỉnh Bắc Xu-la-uê-xi (Sulawesi) di In-đô-nê-xi-a.Tui pathau khan, hu takik abih sa urang metai, song 13 urang karei njauk rambuac. Tui kuhria hu labaih 60 urang njauk lam lahik dalam taneh jaleih. Jabat chức năng dok ba abih pren yava di drei piah dong  duah dom urang dok duik./.