# Tui Mentri Jalan Mbak Pajeng ba, tui kuhria dahlau balai thu phí BOT Cai Lậy hu peih ngak veik dalam bilan 3/2019, tuk dom cuang kandah, tavak tave hu langyah blaoh blai. Urak ini Mentri Jalan Mbak Pajeng ba daok pataom tame pasang iek, hu jalan ngak pasiam veik dom cuang kandah tavak tave ini, ngak ka nyu tauntu, cambaih laih bruk buh jien tame ngak, jien thu phí saong dom kadha daok kandaong veik pambuak pagam tal dahlau di tuk brei  balai peih tabiak ngak veik.

# Ong Lê Tiến Dũng, Giám đốc Sở Jalan mbak pajeng ba ban Cần Thơ brei thau, anak tal hu peih gac 6 jalan par bahrau meng Cần Thơ tal dom mblang kapan haoh dalam negar song dunya. Tui nan, meng bilan 3 tal bilan 5 thun ni, Hãng kapan haoh Vietjer Air hu peih dom jalan par Cần Thơ – Hải Phòng 1 mbang /sa harei; Cần Thơ – Vinh (Nghệ An) 3 mbang sa adit; Cần Thơ – Đà Lạt (Lâm Đồng) 4 mbang sa adit ; Cần Thơ – Thọ Xuân (Thanh Hóa) 4 mbang sa adit. Ngan song jalan par dunya, Air Asia lac hãng kapan haoh yaom lap di Malaysia hu peih 2 mbang par dunya yau: Cần Thơ – Kuala Lumpur (Malaysia) hu 4 mbang sa adit, song Cần Thơ – Bangkok (Thái Lan) 3 mbang sa adit.

# Hadei di Tết Nguyên đán Kỷ Hợi tal ini, urang taong ikan tỉnh Bạc Liêu tabiak tasik taong mek hu rilo kaya kan, jien mek tame glaong. Dom ghe, gilai taong mek ikan di Bạc Liêu LAba 1 - 2 triệu đồng sa harei. Yaom pablei dom janih kaya ikan dalam aia glaong jang dahlau di Tết Nguyên đán meng 10 - 20%, tuk halei jeng pablei abih. Tui kuhria tal puac bilan 2/2019, taong abih kaya ikan dalam aia taong mek hu di tỉnh labaih 7.600 tấn, ba mai kein laba ka tỉnh yaok pluh tỷ đồng.

# Amriak kalu Bình Phước paik hu labaih 30.000 tấn, khik hu hacih saat pandap mbang  ginup kadha piah pablei tabiak negar langiu, min urak ni yaom trun khang ngak ka rilo urang nong duh hatai. Tui panuac sinya, gah pablei tabiak negar langiu lac Nedspice blei di urang nong hu pambuak song dom kalup kapul pala amriak kalu hacih hu labaih 10.000 tấn. Yau nan, dok labaih 20.000 tấn amriak kalu oh hu drak pasa blei tani tanat. Urak ni yaom blei amriak kalu di  tỉnh Bình Phước meng  45.000 - 46.000 đồng/kg. Tui yaom blei ni rilo urang nong paik bloh oh ginup phun, atau khat kayua jien buh tabiak rilo janih yau khak drak, pah urang ngak.

# Cục Khik iek jru tavao, mentri Y tế, brei thau, hu khan brei thau ka bruk brei padeih pandar saong pablei salih taong abih dom lô jru patuk Fenspirol (Fenspiride hydrochloride 2mg/ml) kayua Công ty Polfamex S.A (Ba Lan) ngak tabiak, Công ty cổ phần jru tavao Trung ương 1 - Pharbaco blei tame meng negar langiu kayua hu pagam chất Fenspiride ngak kanjah jhak tal pren yava anek manuac.

Khaw tin  dunya:

# Mintri Y tế Nam Phi brei thau  lac meda tabiak bruk brei tauk baar brei thau bruk kanyah jhak tal pren yava angaok dom pok pandap mbang samar di puac thun ni atau akaok thun 2020. Bruk tuak baar ni piah pathau khan, dong ka urang blei mbang thau hu  ka janih pandap mbang hu tame paok, kayua mbang biak rilo pandpa mbang samar mbuan si jhak tal pren yava, abih di nyu nan lac labaih kilo song meeik saradang.

# Nghệ sỹ Satoshi Gogo – lambaok ka dòng fingerstyle guitar Nhật Bản meda hu tour parang me-in di 3 bal prong di Việt Nam meng harei 5 - 7/4. Nghệ sỹ Satoshi Gogo meda hu parang me-in di bal raya Hồ Chí Minh dalam harei 5/4. Ini lac mbang ka dua Satoshi Gogo parang me-in pak Việt Nam. Thun 2018, sa-ai lac tuai hu daa parang ma-in dalam tour di thần đồng guitar Hàn Quốc Sungha Jung pak Việt Nam. Ngan haong urang mong iek Việt Nam, abih di nyu lac dom urang takre fingerstyle guitar, Satoshi hu thau tal saong hu takre tapa dom kadha angaok mạng xã hội YouTube.

# Nghị sĩ đối lập Venezuela Angel Alvarado ndom lac hu takik di 8 tấn meh hu ba tabiak truh gilang pariak Trung ương dalam adit dahlau. Gilang pariak  Trung ương Venezuela oh ndom hagait ka bruk ini, dok rajaei di Tổng thống Nicolas Maduro oh ka ba tabiak panuac hagait./.