# Danak dak pato pakai phổ thông bahrau meda hu pambak tal taong abih anek saih dom pakat bac, rilo abih nan lac anek saih pakat THPT. Kadha salih prong abih nan lac bruk brei adat ka anek saih eng drei palih ruah môn bac saong phân hóa hướng nghiệp samar drah ngan haong pakat bac THPT. Asal kadha pato pakai pakat THPT hu 7 môn bac bắt buộc saong 5 môn palih ruah bắt buộc. Mentri pato megru jeng brei thau ka bruk peih ngak lộ trình pandar danak dak bahrau, hu peih tabiak meng thun bac 2020-2021.

# Bruk tabiak mbaok Kênh rayo papar binguk ilamu - Du lịch (Vietnam Journey) di rayo sap ndom VN hu rah tabiak di tukvak 20tuk melam 9/01 ngan song 4 điểm cầu Hà Nội, Hạ Long, ban raya  Hồ Chí Minh song Phú Quốc. Thủ tướng Rajaei  Nguyễn Xuân Phúc payua harak tadhau ayuh. Di điểm cầu Hà Nội hu mbaok di  Phó Thủ tướng Vũ Đức Đam song urang pal akaok dom ban, dom mintri, dom gah. Ni lac kênh papar binguk camereip di Việt Nam pandar  công nghệ tương tác đa nền tảng. Langiu di bruk hu mbaok di dom  hạ tầng phát sóng, Vietnam Journey dok hu mbaok angaok website song dom thiết bị di động. Ứng dụng ni brei ka urang pandar gaok tapak song danak dak.

# Gilang pariak thương mại cổ phần Ngoại thương Việt Nam (Vietcombank) bahrau brei thau patrun khang jien jhung piah daong ka dom nghiệp mesre phun jien VNĐ piah ngak dom bruk njauk ngak dahlau tuinjauk adat hukum, gah ngak nong ứng dụng công nghệ glaong saong doanh nghiệp khởi nghiệp dalam thun 2019. Cambaih laih: yaom jien jhung brei mesre katut harei meng đồng Việt Nam di tanut glaong abih nan lac 6%/thun, samu patrun 0,5% dut haong tanut hu ba tabiak di gilang pariak karja, pandar ka taong abih dom jien brei mesre daok oh ka bayar abih saong dom jien brei mesre bahrau dalam thun 2019. Trun taong abih 0,5%/thun dalam thun 2019 ngan haong dom jienn mesre VNĐ atah harei urak ini di dom doanh nghiệp.

# Urang pala lisun  ngu bhum tapen tasik ban sit Vĩnh Châu, tỉnh Sóc Trăng dok kham merat pasiam veik bruk pala drak hadei di mbang ribuk. Min bruk lisun ngu dauh dalam ia lavik harei, ngak ka rilo mblang taneh pala lisun  pak ni oh  pasiam veik hu, lahik abih, rilo mblang taneh trun biak khang  năng suất, chất lượng akaok lisun . Tui kuhria mboh di gah chức năng pak ni, hajan ribuk meng bloh ngak ka labaih  2.100 ha dalam abih tih 3.700 ha lisun ngu bilan Tết di urang nong  ban sit  Vĩnh Châu njauk hajan dauh, dalam nan hu labaih 600 ha dauh dalam, dauh lavik harei.

# Sang iek ruak Uranaih bal raya HCM bahrau daong klah di metai ka 1 uranaih likei praong 15 bilan munyum njauk jru halak padang caik dalam kalaok aia Yamen C2. Hadei di tuk manuac dalam sang hu mboh, uranaih nan hu ba tame cấp cứu di Sang iek ruak Đa khoa Long An. Pak ini, bác sĩ hu klauk jru giải độc ka uranaih nan saong ba tame cấp cứu di Sang ruak uranaih bal raya HCM. Hadei di 7 harei hồi sức tích cực, urak ini pren yava di uranaih ini daok hu siam gilac, oh daok loi suan meng máy thở, tỉnh táo… Dom bác sĩ hu kakei tal dom urang ngak amaik ngak ame njauk ngak siam dom jalan pacang caga ngộ độc di ranaih sit, yau: Piah jru saong hoá chất atah di tangin uranaih; oh caik hoá chất, aia menyum dalam  kalaok dom janih aia menyum; tuk halei jeng hu urang khik iek uranaih umo ala 3 thun kayua lac di umo ini uranaih biak takre roh duah laok tacao saong ba tame pabah pandap hagait bo nyu gaok hu.

Khaw tin dunya 

      # Rajaei Anh meda peih bruk plaik  phiếu ka  thỏa thuận negar ni  tabiak truh Liên minh châu Âu (EU), dok ieu lac Brexit, di harei 15/1 anak tal.Dahlau di nan, akaok mintri Brexit di Anh Stephen Barclay jeng ndom lac, negar ni tabiak truh  EU dalam harei 29/3 anak tal song oh pasang iek dui atah tuk vak  tabiak nao, tapa nan tah klaak dom panuac lac urang jakar Anh song EU dok ginum biai bruk dui atah tuk vak ba tabiak panuac khan ka  Brexit.

         # Ribuk tuyết nao tapa châu Âu dalam dom harei tapa hu ngak takik di abih 13 urang metai, yaok ribau urang karei daok gar veik di labik ceik An-pơ (Alps), yaok rituh mbang par suai tukvak jang atau brei padeih. Tui kuhria mboh dahlau tuyết jeng daok laik tapal di châu Âu dalam dom harei anak tal.

# Tui sa duah thau di đài NHK, jiak 70% urang Nhật ndom lac oh khin tok dui tok pasang. Labaih 2.700 urang meng 16 thun tagok , dalam nan hu likei song kamei dok di grauk labik dalam negar hu javap jalei ka bruk duah thau ni. Dom Urang oh khin  tok duik tok pasang tagok 5 điểm % dut song mbang duah thau dahlau nan di thun  2013. Dom menuac ini lac glong di abih  kuhria meng di tuk NHK peih bruk duah thau meng thun 1993./.