Saai dong bruk ngak ka rilo adei saai dalam palei 

Diễm lac urang ngak di  Công ty Nidec Việt Nam (Khu công nghệ glong ban Thủ Đức, ban raya HCM). Tuk lahaiy, anai nao ngak pahla, dong ka urang kan kathaot jang drei. Ndom tal  Diễm, rilo urang kanal hadar tal urang kumei bhian nao likau ia tasau that di tuk mesup  ba mai brei veik ka urang taha, urang pablei vé số.

Khan ka bruk ngak ni di drei, anai lac, var mesup, Cty bhian tanek mbang ka urang ngak . Urang lei oh mbang mesup meda mek ia tasau. Tapa mong iek, Diễm mboh rilo urang oh menyum ia tasau, meyah klaak nao biak damen. Atau hu rilo urang khin klah rabha, brei nao ia tasau di drei, min oh thau ngak yau habar. Kayua yau nan ye, Diễm likau veik dom ia tasau nan ba nao brei ka urang kan kathaot. Taphia di nan, Diễm jak ba ayut sahabat  nao rivang song brei pandap ka urang taha dok sa drei, rivang labik daok raong uranaih metui .

Nao ngak  tăng ca 12 mon sa harei, min Diễm dok caik tuk vak piah cih rup cih. Cih hu jeng sa bruk  oh kurang hu dalam rai duik di saai. Min, urak ni, piah hu jien ngak pahla,  Nguyễn Thị Thúy Diễm  sahneng lac yau habar drei oh cih rup cih piah pablei, piah hu jien dong ka urang kan kathaot  jang drei . Sahneng ye ngak, Diễm hu ieu pablei  rup cih di drei meng  50.000 đồng  tal  80.000 đồng sa blah. Tong abih jien hu meng bruk cih rup cih Diễm mek ngak pahla.

Diễm ngak công nhân di sang mac, nan ye, bruk rami ramik tuk vak ngak pahla brei plaih di mon ngak bruk. Jien bilan di công nhân labaih 8 triệu đồng sa bilan . Kaoh abih jien pandar cai, mbang menyum, Diễm meda patak pataom hu 1 triệu đồng sa bilan. Tuk vak jit ruak Covid-19 rah tabiak srau kadau, anai suak jien patak pataom di drei, piah blei brah brei ka dom urang taha pablei vé số, urang kan kandah dok jiak labik trọ. Yaok harei angaok jalan nao ngak, gaok urang halei kan kandah anai halan hatain dong brei. Diễm tuk halei jeng sahneng lac, xã hội dok hu rilo menuac kan kandah, rambah rambeip jang drei, mong tame dom urang nan, piah mek nan ngak ka drei kham merat, piah patui bruk ngak pahla di drei.

Urak ni, Nguyễn Thị Thúy Diễn jeng dok dong ka dom urang kan kandah tui pren di drei. Diễm cong khin lac dom bruk ngak di drei meda dong ngak brei trun meneing kan kandah  ka dom urang  dok jaik drei./.

Urang lang; Hanipha- 18/4