Malam kabruai 2 bilan 2, lac harei 5 Tet Ula Naih saka ia bilan, Ban raya Ho Chi Minh peih ngak Danak dak adaoh tamia biak gheih mekre Pahadar 95 thun Harei padak padak Ndang Cong san Viet Nam (3/2/1930 – 3/2/2025) saong Pahadar 236 thun Jayah Ngọc Hồi – Đống Đa sajarah (1789 – 2025) ngan haong kadha “Viet Nam caong khin patagok khang kajap”. Danak dak tamia adaoh hu 3 janih kadha “ Taneih ia rabau bal pataih”, “Dom adhua jalan hadah hadai” saong “Jaman uak drei patagok”. Ni lac dom kadha khan ka anit ranam bhian mboh dalam hatai yaok manuac Viet Nam tapa rai diuk ini. Kayua anit ranam nan hu ngak jieng prein khang kajap saong patagok taneih ia tapa dom tukvak kan kandah di sajarah.

Tui Mentri LĐ-TB saong XH, bruk khik brei tani tanat raidiuk xa hoi ka urang hu buh prein ngak bruk daong tanen ia, urang umo taha, dom urang hu daong tui sarak karja, dom urang sang kan kandah tuk Tet Nguyen ndan Ula Naih birau ini hu peih ngak siam, bui sambai, trei sir.  Dom bhum palei dalam negar hu daong, alin pandap Tet  ka labaih 13,5 trieu mbang urang kuhria tui jien lanbaih 7.800 tỷ đồng. Dalam nan, kadung jien karja negar labaih 710 tỷ đồng; kadung jien di karja palei jaik 4.430 tỷ đồng; jien jak ba urang rik tame  jaik 2.700 tỷ đồng. Ta-eng Ban raya HCM alin pandap ka labaih 1 trieu 330 urang kuhria tui jien abih tih jaik 1.300 tỷ đồng ralo abih dalam negar.

Bruk jirah rivang di tukvak Tet Nguyen dan thun ni rah tabiak bui sambai, tuai damuai mai jirah rivang 2 tinh Ninh Thuan saong Binh Thuan hu patagok. Tinh Binh Thuan kuhria lac raok 220.000 mbang tuai damuai, tagok 10% dut haong tuk Tet thun dahlau, jien mek tame jaik 360 ty ndong, tagok 9% dut haong thun dahlau. Dom sang padeih padei di pusak ban Phan Thiet haong dom resort labik Hòn Rơm, Long Sơn - Suối Nước, La Gi, Tuy Phong…tuai damuai mai ma-in meng harei 3 Tet. Daok tinh Ninh Thuan, meng harei 26 Tet tal harei 4 Tet hu raok labaih 140.000 mbang tuai damuai jirah rivang, tagok jaik 20% dut haong tukvak ni thun dahlau.

Rilo bhap bini rahra gilac veik msai Ban raya HCM saong samar hu jarah rivang main akaok thun birau dom labik gheih mekre rilo urang takre dalam harei kabroi lac harei puac padeih padei. Mneg dah page, labik pasak Ban raya hu biak rilo manuac mai rivang main, thaok bingiuk  yau Nhà thờ Đức Bà, Jalan bingu Nguyễn Huệ, Jalan tapuk Tet…Biak ralo bhap bini ramik tulkvak samar nao tadhau yuh Tet gauk gar but pajaih sang rivang  dom labik daok jiak Ban Thu Duc yau baha, Labik yulit ilamo Suối Tiên,…Mbluak jang, thun ini bhap bini  tok nao sa mbang radaih ndien metro piah tame pasak ban raya.

Ngan haong bruk khin ngak hu tal abih thun ni hu labaih 170 pandap taduan hu harak OCOP meng 3 patuk tagok, dalam nan hu 11 pandap OCOP 5 patuk pakat nagar, tinh An Giang daok kham marat ba danak dak OCOP jieng sa prein kajap pieh patagok kinh te – xa hoi palei pala, meik jien tame hu ralo saong veih glaong raidiuk ka mikva. Piah ngak hu bruk ni, tinh An Giang patagok dom pandap hu lagaih, makna ilimo meng kan, pandap taeng bhum palei, ngan haong pandar khoa hoc cong nghe tame bruk ngak saong salih taka so dalam bruk khik iek, kuhria caga, yaih khan pandap OCOP.

Urang Islam di dunya daok ramik caga uan raok bilan eik Ramadan. Dalam bilan ini, urang Islam prein yawa khang kadang brei mbang eik ein menyum meng tuk dah page mbiah tal tuk ia harei tame ceik. Bruk ein mbang piah klak rabha saong dom urang kathaok saong pasram patia jalan sahaneng, caga dom bruk pachot pamelua hawa drap ar. Urang Islam talaih eik Iftar meng var mbang huak tuk biar harei. Urang Islam bhian peih var mbang pahala di dom labik kong kong di tuk ini, piah dom urang kan kandah meda tame bilan eik.

Grauk nagar Trung Quoc daok dalam yava langik uan raok thun Barau Ula Naih 2025 ngan haong yaok ralo adat cambat bhap bini saong bruk tamia adaoh bui ma-in urakni. Di Bắc Kinh, dom kadha tamia lan, tamia ine garai ngan haong dom bruk tamia adaoh bhao bini hu salih ralo labik kong kong jieng pasak ma-in chreih bui, di tuk pak Tây An, tinh Thiểm Tây, “Suriga khan bai pataih” brei ka tuai damuai hu maong iek dom var tamia adaoh ma-in bui haong main haong Jalan khan bai meng kan.                                                                    

Thai Lan peih ngak hukum pakauk pablei pandap menyuk hu cồn alak kuhria meng  mong 6 tuk mesup di 76 tỉnh, dalam nan dom labik yulit danei angan yau Phuket saong Chiang Mai, piah peih ngak bruk palih ruah palih di negar. Ta-eng ban ine Bangkok saong ban Pattaya oh ngak kan kandah tal hukum pakauk nan kayua lac dom labik hanh chinh saong brei palih ruah karei. Uy ban Palih ruah Thai Lan brei thau dom urang ngak suan hukum meda dang anak dom yaom jien taong bhat tagok tal 10.000 baht (297 USD) atau daok guk 6 bilan./.