Dahlau di tuk ngak bruk mặt trận, amuk Thảo ngak kong nhan, lac urang jakar Đoàn.

Meng thun 2015, amuk Nguyễn Thị Thảo ngak akaok Ủy ban MTTQ Việt Nam phường Vĩnh Phú saong amuk tuk halei jeng kham marat, abih hatai, ngak siam dom bruk hu jao brei.

Amuk Thảo khan lac: “Camriep, tuk bahrau tame ngak bruk mặt trận, dahlak ka oh bhian randap saong gaok oh takik kan kandah, min ngak blaoh dahlak mboh dak harei dak takre, anit ranam bruk ngak di drei. Dahlak biak patuah saong hu mbuan lagaih kayua hu ame jeng ngak urang jakar mặt trận. Dom bruk halei kan, ka oh thau, dahlak jeng sua tangi ame, saong dom cei, dom anai jakar padeih huu. Meng hu yau nan, dahlak bac hu rilo kadha meng dom urang nao dahlau. Tal urak ini, dahlak daok yam tame tukvak ka dua di baoh sang jumpataom ini. Yaom lac kan kandah, glaih glar, min urang jakar mặt trận dahlak jeng hu biak rilo bruk bui sambai, haniem phul tuk hu daok jaik rahra, caik hatai tui pang panuac caong di rahra, hu rahra jia, rahra anit ranam”

Amuk Nguyễn Ngọc Phượng, Akaok ban Dân vận Thành ủy, akaok Ủy ban MTTQ ban Thuận An, brei thau: “amuk Thảo lac sa urang jakat abih hatai jai, sami samar saong hu rilo sahneng duah bahrau. Tukvak tapa, amuk hu ba tabiak ngak rilo bruk bahrau yau ye “Pabah mbang hijao – ging hacih”, bruk “bilik ngak bruk hijao”, “jalan bingu”, “bein bingu mặt trận”, “dom baoh hatai anit ranam”... Meng bruk ngak di akaok Ủy ban MTTQ Việt Nam phường, yaok thun, amuk jeng lac urang par akaok kapul ngak hu biak siam, ba akaok nao dahlau dalam bruk pacacah gauk dalam hệ thống MT negar ban thun 2022”.

Meng bruk ngak di drei, amuk Thảo hu ba tabiak rilo sahneng duah bahrau  saong hu mbaok tame ngak rilo bruk daong biak siam, hu angan je dalam rahra. Amuk daok kham merat hu mbaok tame bruk jak ba jien padai, pandap panda saong peih bruk alin hadiah jaik 63.000 paok pandap ka urang kan kathaot, urang kan kandah ngan haong yaom jien abih tih jaik 7,2 tỷ đồng. Gam haong nan, amuk Thảo daok ba tabiak jalan jak ba padang ngak saong alin hadiah 16 baoh sang jumpataom, abih tih yaom jien padang ngak jaik 1,5 tỷ đồng saong ieu daong samar drah ka urang gaok kan kandah kayua ruak kik. Tui amuk Thảo yaok bruk ngak hu makna karei di gauk, min jeng ba mai kein laba ka rahra, mbuan ngak saong hu siam lagaih.  

Meng ngak siam bruk pathau khan, jak ba, rilo thun tapa dom bruk jak ba, pakacah gauk anit ranam taneh ia di phường Vĩnh Phú tuk halei jeng hu dom rai rah njauk hatai, pachreih tui. Piah ngak hu bruk ini, amuk Thảo brei thau:“akaok radaih nduac ye rup radaih meng nduac tui. Menuac ngak lac hu makna praong, abih di nyu nan lac menuac ba akaok di dom khu phố. Dom urang ini lac kapul urang jakar ngak bruk mặt trận daok jaik rahra, thau cambaih rahra. Kayua yau nan ye, dahlak biak iek glaong, sangka tal, pato tacei, daong ba dom kapul ini. Tuk dom urang ini abih hatai jai ka bruk ngak, yaom lac kan kandah tal halei jeng ngak hu abih”.

Lac urang jakar mặt trận, bruk camriep abih lac daok jaik rahra, tuk halei jeng duah thau hatai caong meng raidiuk di mikva piah hu jalan pathau khan, jak ba, lang talaih dom kan kandah, tavak tavaiy di puk palei. Urang jakar mặt trận daok brei ngak siam bruk jakba piah paglaong siam lagaih di bruk pathau khan, jak ba rahra peih ngak dom jalan ngak, sarak di Đảng, hukum di Kanja…

Meng dom bruk ngak hu yau nan, di nyaom biai pok mayaom Akaok Ủy ban MT negar Việt Nam pakat xã saong Akaok mban ngak bruk Mặt trận pakat negar tukvak 2017-2022 meng blaoh, amuk Nguyễn Thị Thảo lac urang angan je duy nhất di urang jakar mặt trận lambaok ka 91 xã, phường, ban sit dalam tỉnh Bình Dương hadah mbaok mata hu taduan harak mayaom di Thủ tướng Rajaei./.