Amuk Nguyễn Thị Nga tuk halei jeng abih drei kuhria ka raidiuk di bhap bini daok pak ini

Ngan haong dom urang, bruk ngak di amuk Nguyễn Thị Nga daok ngak lac “huac lisei sang, ngak bruk di urang karei” min amuk brei thau lac “ini lac bruk njauk ngak di drei saong lac bruk bui sambai”. Hu rik prein tame padang puk palei, dahlak mboh raidiuk di drei hu makna jang. Bruk hagait hu kein ka rahra dahlak jeng kham marat ngak”. 

Dalam mbang jak ba “rahra jumpataom gauk padang ngak palei pala bahrau, đô thị văn minh” saong peih ngak dom danak dak kayua Mặt trận ba tabiak pambuak haong jhul khang bruk bac megru saong ngak tui jalan hadah krah siam mekre di Hồ Chí Minh, amuk tuk halei jeng duah thau cambaih bruk ngak di puk palei piah meng nan pilih ruah dom asal kadha  ka nyu lagaih”.

Abih di nyu nan lac dalam 5 thun tapa, amuk gam haong dom urang dalam mban ngak bruk Mặt trận KP. 2 hu jak ba bhap bini saong dom urang ngak pahla rik pataom hu labaih 800 triệu đồng pasiam taong abih baoh gom truac, blei labaih 50 kadung buh hareik, pala veik bồn bingu saong ngak pasiam 3 jalan di labik bhap bini daok. Amuk jeng jak ba dom baoh sang klaak hareik njauk labik brei adat, puh ramik jalan mbak lanieng lanoi; padang ngak “harei adit văn minh đô thị” ngan haong dom danak dak, bruk ngak lagaih tui caong di bhap bini di pak ini. Langiu di nan, amuk Nga daok jak ba hu labaih 65 triệu đồng, gam haong 95 paok jien bac daong ka ranaih kan kathaot bac naih, 250 paok pandap brei ka uranaih saong urang taha gaok kan kandah.

Amuk Nga urak ini jeng lac Akaok Kapul patak pataom brei masaiy phun jien. Kapul kayua amuk khik ramik daok hu masaiy labaih 2,6 tỷ đồng daong ka kapul urang kumei kathaot hu masaiy jien piah cak rok patagok bruk ngak mbang, pablei salih. Meng hu masaiy phun jien, rilo adei saai kumei hu yam tagok tabiak truh kan kandah, ngak mbang naih joi. Taphia di nan, amuk Nga daok hu padang “ phun jien payeng brei mesraiy” saong yaom jien lac 60 triệu đồng sa bilan hu daong ka dom urang kumei dalam kapul masaiy jien oh mek laba. Meng bruk ngak ini, amuk Nga hu daong ka 12 urang kumei sang kan kandah yam tagok tani tanat raidiuk.

Amuk Hoàng Thị Tuyết, akaok UBMT negar Việt Nam  phường Phước Nguyên brei thau, amuk Nga lac urang pambuak talei rohim di rahra haong Đảng, rajaei. Tapa dom bruk ngak cambaih laih di drei dalam peih ngak dom bruk pacacah gauk anit ranam taneh ia, amuk hu rik daong praong haong Đảng bộ, rajaei saong bhap bini KP. 2 peih ngak jak jeng dom jalan ba tabiak cak rok patagok kinh tế - xã hội, padang raidiuk ilamo labik bhap bini, khik kajap bruk jum pataom dalam rahra di puk palei.

Meng dom kham marat di drei, amuk Nguyễn Thị Nga hu Ủy ban mặt trận Tổ quốc Việt Nam tỉnh alin Harak mayaom kayua biak naih gheih dalam bruk peih ngak Danak dak “Abih rahra hu mbaok tame khik caga alam moi truong thun 2021”. Rilo thun gam, amuk hu Trung ương Kapul Chữ thập đỏ Việt Nam alin harak mayaom; hu UBND ban Bà Rịa alin harak  mayaom “peih bruk jak ba dalam rahra jum pataom gauk padang ngak palei pala bahrau, đô thị văn minh” thun 2021 saong hu Ủy ban Trung ương MT negar Việt Nam alin Kỷ niệm chương kayua bruk jumpataom bangsa./.

Urang lang: Thu Thao – 26/09