Kadha manuac gheih bruk siam adit ini, kol dahlak hulin hu kadha vak yaih khan ka dom bruk ngak siam di dom sinh viên daok di Cà Mau tapa kadha vak di urang vak Trần Hiếu:

Kalup kapul Chú Ve Xanh hu padang tabiak meng hatai sahaneng di Nguyễn Trường Giang, sinh viên thun ka 2, gah Công nghệ thông tin, Sang bac cao đẳng Việt – Hàn. Adei sinh viên umo 19 thun hu sahaneng tal bruk ngak brei alam hijao meng Kapul Rahra Hijao Việt Nam. Hadei di tuk hu mbaok tame bruk ngak di kapul di thun 2022 ye Giang hu sahaneng tal bruk, njauk ngak gam gam jang piah rik daong tame bruk khik rami alam môi trường di Cà Mau.

Trường Giang tuk camriep pataom hu dom ayut saabat hu umo thun dreih yau drei piah daong ngak brei hacih alam môi trường meng bruk ba gauk tabiak  puh ramik nerak di labik hu rilo manuac. Bruk ngak gheih ini samar drah pambak tabiak saong dui pachreih hu rilo ayut saabat dalam umo thun anek saih, sinh vien hu mbaok tame. Meng nan, Nguyễn Trường Giang saong ayut saabat padang tabiak Kalup kapul Chú Ve Xanh ngan haong asal kadha: “ba tangin tame ka sa Cà Mau tuk halei jeng siam makre – kayua sa Việt Nam hijao – hacih- mekre": "Anek ve pambuak gam saong lambaok ka umo thun anek saih, dom urang dalam kalup kapul di adei rilo meng lac anek saih. Kol adei khin brei mboh prein ranaih, bruk ngak di kol adei jeng pamaong tal umo thun di anek saih, sinh viên. Kol adei caong khin hu sa alam hijao, hacih saat, siam gheih nan ye mek angan lac Chú Ve Xanh".

Kalup kapul Chú Ve Xanh hu padang tabiak ngan haong 42 urang saong urak ini hu tagok tal labaih 77 urang. Taphia di nan, kalup kapul daok hu 125 urang halain hatain tut angan hu mbaok tame di dalam tỉnh Cà Mau. Dom ayut saabat meda duah thau ka dom labik njauk tachrauk nerak, hareik hareim daok kadaong veik saong pambuak bruk haong dom dam dara di phường atau bhum palei pataom mek. Dom “Chú xe xanh” ngak bruk tui jalan lac “eng drei ngak – halain hatain – eng drei iek glaong”.

Kalup kapul Chú Ve Xanh jeng hu padang fanpage saong kapul jeng bhian ba tagok mangaok blah facebook di drei piah yaih khan, brei mboh thaot binguk ka dom bruk ngak halain hatain di drei. Hadei di jaik 4 bilan ngak bruk, dom “Chú ve xanh” hu pataom mek labaih 4 tấn nerak, dalam nan hu labaih 2 tấn lac nerak katak nhựa.

Saai Phạm Việt Tân, Bí thư kapul dam dara Phường 4, ban Cà Mau – labik hu 2 mbang pambuak bruk haong kalup kapul Chú Ve Xanh ngak hacih alam moi truong taong yaom lac: "Kalup kapul hu tabiak rai meng hatai caong khik caga alam moi truong. Jalan sahaneng di dom ayut lac biak siam, hatai ngak bruk biak glaong. Tukvak tapa, dom ayut khik kajap hu jalan ngak di drei, padang kalup kapul lac kayua hagait? Dom ayut hu mban akaok kalup kapul hu ba tabiak dom bruk ngak, makna padang tabiak tuk camriep, nan ye khik hu tani tanat saong dom ayut ngak bruk biak siam".

Oh lac ngak hacih sa-at alam môi trường di ban Cà Mau, kalup kapul Chú Ve Xanh daok hu mbaok di dom huyện dalam tỉnh Cà Mau. Bruk ngak gam gam di dom ayut di puac adit lac juak radaih tabiak nao duan hareik, pathau khan, phát tờ rơi. Bruk bo dom ayut daok pamaong tal lac daong ngak brei hacih alam môi trường, yah khaak dom labik pataom nerak eng drei tamuh tabiak, pambak tabiak hatai khik caga alam moi truong, paglaong hatai sahaneng di mikva piah ba gauk khik caga alam môi trường. Bruk ngak di dom ayut ranaih umo dalam kalup kapul Chú Ve Xanh yaom lac sit min hu makna oh sit./.