Mblang taneh hu hu saai ngak piah pala man huu co 

Thun  2008, hadei di tuk bac tamat bloh  gah  Công nghệ thông tin – sang bac Đại học Quốc gia ban raya  Hồ Chí Minh hệ pato pakai meng atah, saai Nguyễn Đình Thuận daok di tiểu khu 12, ban sit  Mộc Châu, huyện Mộc Châu, tỉnh Sơn La khang hatai peih labik ngak mbang dịch vụ công nghệ thông tin, pandap điện tử ka dom sang bac  song dom  xã, ban sit dalam  huyện. Min hadei di nan, mboh sang hu kein lagaih gah taneh glong, saai khang hatai  salih tapa  bruk ngak nong. Tuk camereip bahrau ba tangin tame ngak nong, saai gaok oh takik kan kandah. Saai Thuận brei thau:

Kan kandah ye biak rilo, camereip abih lac di mangaok taneh puh Mu Náu ni  oh hu ia, nan ye, hulin padang biak rilo danao piah tal bilan hajan  ye hu ia pandar  ka bilan thu. Ka dua  lac jalan, dahlau deih oh hu jalan radaih mac, jeng oh hu jalan  ô tô , nan ye njauk pandar saih piah nao mai; abih mblang puh ni dahlau deih pala hareik song pala tangei piah rong seik, hadei di tuk hu jalan radaih máy song jalan  ô tô ye hulin jah hareik piah pala phun mận ni.

Gam song bruk iek glang bein phun, saai  Thuận  hu ginum biai hong gauk gar dalam sang song dom boh sang dok jiak tapen buh tabiak labaih 3 tỷ đồng piah peih jalan bê tông tame tapak bein mận; piah palagaih jang ka bruk iek glang  phun mận, gam pajeng ba pandap  tuk paik mek hu mbuan lagaih:

Urak ni, sang saai  Thuận  hu 5 héc ta taneh pala phun mận, dalam nan labaih sa meteh dok paik boh. Meyah, iek glang njauk jalan song langik siam lagaih, oh njauk hajan patau, ia kakua sara , halak halin… tui kuhria , sa thun, bein  mận di sang saai paik hu meng  45 tal 60 tấn boh; gaok mai meda tagaok tal 100 tấn, sang saai duah hu yaok  tỷ đồng, kaoh abih dom janih jien buh tame ngak, dok laba meng  500 tal 700 triệu đồng.

Saai Thuận jeng hu ba bruk ngak brei ka 20 tal 30 urang ngak tui bilan song meng  5 tal  7 urang ngak gam gam, saong yaom jien bilan lac labaih  5 triệu đồng sa urang sa bilan . Ong Phạm Hoàng Thiện, Akaok Kapul urang nong  ban Mộc Châu, huyện Mộc Châu brei thau:

Dalam bruk patagok kinh tế di Kapul urang nong ban sit  Mộc Châu  ye hu biak rilo kreih camin naih gheih, dalam nan hu bruk ngak kinh tế di sang saai  Nguyễn Đình Thuận lac sa dalam dom bruk ngak ghieh di saai. Sa-ai Thuận. lac sa urang  hội urang nong ranaih umo, tari taring, thau sahneng, thau ngak, kham merat hu mbaok tame dom bruk ngak di Hội , gam song nan khang hatai hu mbaok tame dom bruk ngak mbang pablei salih.

Bruk cakrok pala  mận tui jalan  hữu cơ di sang saai  Nguyễn Đình Thuận oh lac ba mai kein laba  kinh tế glong, bo dok ngak tabiak kaya nong hacih saat, rik dong paglong pren yava di urang blei mbang, ngak brei pasiam song khik caga alam  môi trường./.

Urang lang: Hanipha- 23/5