Baoh kik menyim meng kayau piah manyim khan bai hu peih nduac biak sami samar meng plak tangin biak gheih di amuk Thị Gái (daok di palei 6, xã Long Tân) urak ini daok khut nao tui thun bilan. Yaom lac yam tapa umo 75 thun, min amuk Gái jeng daok takre manyim khan bai tuk hu mon lahe. Amuk brei thau lac, amuk thau manyim khan bai meng tuk umo 18 thun. Tuk nan, sang daok haong amuk, bhian mboh amuk manyim khan bai. Dom bingu hala gheih mekre, jalan ngak tani tanat di khan bai nyu ngak ka amuk Gái biak takre saong pachreih bac.
Amuk Gái brei thau, manyim khan bai tuk camriep brei hu hatai takre, hadei di nan meng lac tangin gheih saong hatai kham marat. Di pak ini, urak ini tok daok labaih 10 urang thau manyim khan bai meng kan di bangsa S’tiêng.
Bruk pato manyim khan bai di bangsa S’tiêng di Palei 6 tamuh tabiak meng hatai khin khik ramik ilamo siam gheih meng kan di bangsa. Urak ini mboh lac dom menuac thau manyim khan bai dak harei dak takik nao. Saai Điểu Thị Ít lac rai ranaih dalam dom urang thau manyim khan bai. Hatai takre bruk manyim khan bai nyu pachreih saai caik hatai pang, bac magru meng dom rai praong thun rilo jang.
Yaok mbang pataom gauk piah manyim khan bai, ngan haong saai Ít hu jeng bruk biak praong. Saai brei thau: bruk dom amuk, dom amaik bhian manyim nan, nyu ngak brei madeih tagok hatai takre dalam saai. Saai kham marat bac piah thau manyim saong meda pato veik ka dom urang nao hadei, piah khik ramik dom yaom glaong ilamo meng kan ini.
Ong Đỗ Nhật Quang - Phó Akaok Ủy ban bhap bini xã Long Tân brei thau: mikva bangsa takik S’tiêng daok rilo di Palei 6. Manyim khan bai meng kan di urang bangsa S’tiêng pak ini daok hu takik urang kumei khik ramik saong pato veik ka rai rairah. Bruk mikva sahaneng mboh, hu hatai khin khik ramik dom yaom glaong ilamo meng kan di bangsa lac bruk biak njauk uan tabuan. Abih di nyu nan lac bruk manyim khan bai meng kan, rai dahlau tuk halei jeng pato veik ka rai hadei, nan ye bruk menyim khan bai jeng daok hu mboh, rik daong khik ramik yaom glaong ilamo siam gheih di bangsa takik./.
Viết bình luận