Urang jakar jak ba bhap bini ngak siam bruk dan van 

Ndom tal saai Giàng A Phà, Akaok palei Bản Kha, xã Sín Chénh, huyện Simacai, mik va daok pak ni thei jeng  pok meyaom. Oh lac ba akaok nao dahlau dalam dom bruk ngak, saai dok abih drei dong ka dom boh sang dalam palei. Langiu di bruk kham merat pathau khan, jak ba bhap bini ngak siam sarak di Đảng hukum di karja, saai jeng hu jak ba mik va klaak dom adat cambat klak oh dok lagaih, padang rai duik bahrau. Dalam bruk patagok kinh tế, saai jak ba bhap bini khang hatai salih tapa pala dom janih phun pala, athur raong hu kein laba, hu yaom glong, pandar ilamu kỹ thuật bahrau tame bruk ngak piah patagok kinh tế boh sang. Urak ni, rai duik di bhap bini palei Bản Kha hu patagok, jien duah hu tui kuhria tui akaok menuac hu labaih 60 triệu đồng sa thun. Saai  Giàng A Phà brei thau:

  Dalam thun bloh, dahalk hu brei labaih  20m2 taneh, piah ngak sang ilamu song jak ba mik va brei taneh ngak  jalan.

 Peih ngak bruk jak  ba “Padang boh sang  5 oh 3 hacih”, “Sang hacih, bein mekre” tuk vak tapa, kapul urang kamei xã Quan Hồ Thẩn,  huyện Simacai hu peih yaok rituh mbang pathau khan, pachreih hu yaok ribau mbang urang kamei hu mbaok. Kapul jeng hu jak ba bhap bini rik dong padang ngak bê tông 16 km jalan pambuak meng palei ni tal palei deih, hu 5 sang brei  250m2 taneh peih jalan. Hu yau nan, meng hu bruk ba gauk rik prein di hội viên urang kamei, bhap bini rahra song bruk rik dong di saai Giàng Thị Sú, Akaok kapul urang kumei xã. Ngan saong sa-ai, caik kein laba di bhap bini tagok dang akaok ye bruk hagait jeng ngak hu.

Pak ini meng kan mai patagok  kinh tế meng bruk ngak nong,  nan ye, bruk môi trường hu iek prong. Yaok thun, Kapul urang kamei  xã jeng hu ba tabiak ngak  dom danak dak, khik caga alam môi trường, padang ngak dom jalan  hajao, hacih, mekre.

Thau lac bruk pathau khan, jak ba urang kamei song bhap bini ngak siam tui sarak di Đảng, hukum di karja lac bruk prong, Kapul urang kumei  xã Quan Hồ Thẩn pataom hu dom jalan ngak gheih, bruk ngak hadah krah, patagok bruk di urang kamei dalam patagok kinh tế-xã hội dalam palei. Ong Giàng A Phừ, Phó Bí thư Đảng ủy, Akaok UBND xã Quan Hồ Thẩn ndom lac:

Kapul urang kumei song saai  Giàng Thị Sú hu dom bruk ngak biak gheih, ba mai siam mekre cambaih laih di dom puk palei.

Tuk vak tapa, dom urang jakar palei ngak siam bruk jak ba di huyện Simacai, tỉnh Lào Cai,  oh lac tangin pambuak  atah  di pakat ủy, karja palei , bo dok lac, kreh camin naih gheih , labik caik hatai jia  di mik va dalam palei../.

Urang lang: Hanipha- 24-10