Bruk ba drei tame, abih hatung hatai ka ka urang ruak dalam tukvak tabung glaong pacang caga jit Covid-19

Bilai y tế xã Quy Đức (huyện Bình Chánh, TPHCM) tok hu 5 urang y tế tui biên chế, 2 urang ngak tui harak pambuak bruk, tuk oh ka hu jit ye harei harei hu biak rilo bruk, tal bilan jit ye bruk glaih glar jang biak rilo… “Lac xã sit, tok hu 4 ấp, min mbang jit ruak meng blaoh hu meng 1.800-1.900 urang F0. Daok cambaih laih hadom ye brei iek veik harak gar dahlak meng hadar abih, bhap bini khan lac hu F0 ye drei daong taong ruak saong brei daok karei di sang, nan ye dom adei saai bruk thei thei ngak”, y sĩ Hoàng Giang khan lac yau nan.

Dom harei jit Covid-19 tamuh tabiak dalam rahra, bilai y te biak sit hu rik daong oh sit dalam bruk daong saong taong ruak ka bhap bini. Y sĩ Hoàng Giang –Akaok bilai y tế xã Quy Đức, huyện Bình Chánh, TPHCM khan veik: “bilai padang sa bilik brei daok karei. Tuk jit ruak, dom adei saai nao ngak blaoh daok viek di bilai 3 di labik, daok bilik ni  brei ka mikva halei oh patuah njom ruak bo hatai saneng oh siam, ye tabiak daok jaik  y tế piah sanang hatai. Rilo mikvai ka oh thau cambaih ka jit ruak, tuk njom ruak bhian duh hatai, yaok 5 minit, 10 minit ye ieu tabiak bilai sa mbang. Urang halei daok duh hatai ye dahlak ba tabiak bilai y te taong ruak, hatai sanang tani tanat meng taong ruak hu siam”.

Phone par tangin tuk halei jeng ba tui pin caga, kayua luac tukvak jit tal urak ini, dom laik phone di y sĩ llac jalan phone pandiak piah ka mikva dalam xã ieu tal tuk hu bruk caong khin. Hadom panuac sua tangi, hadom hatai saneng, kapul y tế jeng ndoa naong abih, ka oh tal 5 minit ye sap phone ieu sring tagok.

Jeng tui panuac khan di saai Hoàng Giang: “hu harei sa urang mai khan lac dalam sang hu sa urang caong daong test samar di sang, njauk di tuk kapul daok huac lisei var jala pandiak, drei yer tangin tagok lac cang hasit piah huac abih lisei. Urang nan tangi sua lac:  y tế jeng huac lisei kreh pandiak hả? Tuk nan oh thau lac njauk klao atau hia haong urang nan. Blaoh hu harei dom adei saai biak rilo bruk, bo bhap bini ieu nao test, urang sua lac habar trst miat, ndom biak jeng hu tuk mboh pandik hatai. Min drei pilih bruk ngak ini paje blaoh kham marat ngak, rilo adei saai biak glaih glar ndok padieh bruk, dahlak ndem lac drei ngak yau nan habar iek pajeng. Tuk saron mbon drei nao ngak, tuk jit ruak drei ndok padieh maong habar hu, abih di nyu nan lac tuk ini mikva biak caong tal bruk hu mbaok di drei jang tuk halei karei…”.

TPHCM daok ba dom bruk ngak yaok harei hu yau dahlau veik, gah y tế cơ sở daok ngak dom bruk yaok harei, caga daong taong ruak tuk hu F0; danak dak klauk vaccine jeng hu peih ngak luac tuk tết, tuk lễ… Bruk ngak hu rilo jang tuk ka oh hu jit, min urak ini mikva drei thei jeng hu klauk meng 2 mbang vaccine tagok, raidiuk jeng daok hu siam mekre veik yau dahlau dieh. Y sĩ Trần Hoàng Giang ndom lac: “Maong viek tukvak tamuh jit lac biak huac, min tapa bruk huac meng hu bruk praong tagok, adei saai ngak bruk jeng takik glaih glar jang, iek praong saong anit ranam bruk ngak jang”./.

Urang lang: Thu Thao – 28/02