Kak kajap haong bruk Mặt trận jaik piluh thun ini mai, saai Kim Thị Lệ (bangsa Khmer) tuk halei jeng ba akaok nao dahlau dalam dom bruk ngak di jabat, kapul nyaom, ndem nao gam haong ngak, mek dom jak jeng di bruk ngak piah pachreih ba rahra ngak tui. Piah ka bruk pathau khan, jak ba hu siam lagaih, saai likau pakat ủy brei padang “kalup kapul pathau khan, pato pakai adat hukum dalam labik thờ tự” dalam palei saong daa dom À cha, yrang hu angan je hu mbaok tame pathau khan adat hukum, hacih saat alam môi trường, tệ nạn xã hội…, rik daong patrun bruk ngak suan adat hukum dalam bhap bini.

Tukvak camriep, dom baoh sang kan kathaot di phường 9 hu tal 20%, gam haong nan lac dom adat cambat meng lavik zaman, oh daok lagaih haong raidiuk urak ini hu mbang dalam tame jalan sahaneng di mikva. Thau cambaih bruk nan, saai Lệ haong Ban Thường trực Ủy ban MT negar phường, Ban công tác Mặt trận dom khóm hu peih dom mbang pathau khan, rik daong peih ngak hu siam bruk jak ba “ngak brei salih jalan sahaneng, jalan ngak dalam mikva bangsa Khmer” piah dak harei dak yam tagok tabiak kan kathaot khang kajap. Dom baoh sang oh hu taneh piah ngak, hu pachreih masaiy phun jien piah salih bruk ngak mbang, hu taneh ye pachreih salih phun pala ka nyu lagaih, hu yaom kinh tế glaong. Meng nan, daong patrun dom baoh sang kan kathaot tapa yaok thun, tal urak ini dalam phường daok 33 baoh sang kathaot, meblah 0,92%.

 Patagok bruk anit ranam gauk, meng thun 2017 tal urak ini, phường jak ba rik tame Kadang jien “daong ka urang kan kathaot” tuk halei jeng yam tapa tanut ba tabiak, padang ngak 40 sang jum pataom, ngak pasiam veik 5 baoh sang anit ranam, haong yaom jien abih tih jaik 3 tỷ đồng. Tal urak ini, phường 9 oh daok sang kan kandah ka sang daok. Tuk lễ, tết dom baoh sang kan kathaot, jaik kathaot jeng hu taduan pandap daong, daok harei jum pataom dom bangsa di labik rahra yaok thun hu labaih 2.000 paok pandap brei ka dom baoh sang kan kathaot, jaik kathaot, kuhria tabiak yaom jien abih tih lac labaih 300 triệu đồng. Ong À cha Thạch Sang, urang jakar padeih hưu daok di phường 9, ban Trà Vinh brei thau: “anai Lệ biak sangka, daok jaik bhap bini. Dom baoh sang mikva Khmer kan kandah, saai tuk halei jeng duah jalan pambuak bruk, duah thau, pathau khan jak ba daong phun jien. Abih di nyu nan lac saai biak kham merat dalam bruk pasiam dom baoh sang taih tahak ka urang kan kathaot”.

Meng abih drei ka bruk ngak, saai Lệ tuk halei jeng kham marat ngak siam bruk pathau khan di labik bhap bini, pambuak haong dom danak dak, dom bruk jak ba kayua MT negar ba tabiak. Meng nan dui pachreih hu bol bhap rahra hu mbaok tame, rik daong panuac tame dom bruk kinh tế, ilamo - xã hội, an ninh, quốc phòng di puk palei.

Meng hatung hatai siam mekre, abih drei ka bruk ngak, rilo thun tapa, saai Kim Thị Lệ hu taduan harak mayaom di Ủy ban MT negar tỉnh Trà Vinh; UB bhap bini, Ủy ban MT negar ban Trà Vinh. Saai jeng lac sa dalam 299 urang jakar Mặt trận cơ sở hu daa nao hu mbaok dalam Nyaom biai pok mayaom Akaok Ủy ban Mặt trận negar Việt Nam pakat xã saong akaok mban bruk ngak Mặt trận naih gheih pakat negar tukvak 2017-2022./.