Ndom tal ong út Xuân, rilo menuac di An Giang maong ong yau sa ân nhân, sa menuac gun sarai di drei. Ong Trần Ký, lac sa dalam dom urang hu raidiuk kan kandah di phường Mỹ Thạnh, ban Long Xuyên, tỉnh An Giang, Tết ini hu mbang Tết dalam baoh sang bahrau, siam, mekre, hu ong út Xuân daong jien brei ngak: “Kol dahlak thau dhar phor karja palei hu sangka, daong ka sang kathaot, sang kan kandah. Sang dahlak uan tabuan lo, tuk hu baoh sang bahrau yau harei ini njauk di tuk Tết ini, sang dahlak hu mbang tết dalam bui sambai, haniem phul. Dahlak likau ndua dhar phor karja palei, ndua dhar phor Cty Tấn Thắng hu daong brei”

Hadar veik tuk jit Covid-19, ong Trần Đông Xuân khan lac, mboh mikva kan kandah lo, abih di nyu lac dom kapul urang labik pacang jit… ong hu brei jien, brei pandap, jamriak iek ruak, pandap panda y tế ka labik iek ruak, duh ka bruk pacang caga jit, nao ravang, alin hadiah pandap brei ka mikva kan kathaot daok di dom puk palei. Ong Trần Đông Xuân khan lac: “Bilan jit thun 2021, dahlak hu daong labaih 40 tỷ đồng brei ka tỉnh An Giang; meng kít tét, bình ôxy…. Ta-eng  bình ô xy saoh lac 7-8 tỷ đồng, bloh daok daong brah, ia tasau, jien … Padang sang anit ranam brei ka mikva kan kathaot. Dahlak dahlau daih kan kathaot lo, dahlak praong tagok dalam baoh sang cách mạng, hu dom cei dom wa raong tal harei ini, drei mboh dom urang kan kathaot, drei daong veik min”.

Ong Nguyễn Thanh Quang, akaok mBan Dân vận Thành ủy, Akaok UBMTTQ ban  Long Xuyên tỉnh An Giang brei thau, ban hu biak rilo doanh nghiệp hu mbaok tame daong ka rahra, daong bruk an sinh XH, min praong di abih njauk ndom tal Cty Tấn Thắng di ong Trần Đông Xuân:  “Ong Út Xuân hu daong brei Kadung jien pachreih bac, pachreih megru dom palei saong ban Long Xuyên; abih di nyu lac bahrau ini, cei hu daong ka xã Mỹ Hòa Hưng 10 baoh sang,  yaom  500 triệu đồng saong kadung jien An sinh xã hội lac 150 triệu đồng. langiu di nan, cei daok hu daong ka phường Mỹ Thạnh 15 baoh sang, yaom abih tih lac 750 triệu đồng. Cei út Xuân daok hu daong ka palei 200 triệu đồng tame kadung jien pachreih bac, pachreih megru di ban Long Xuyên”.

Meng dom rik daong tame bruk an sinh xã hội di palei, ong Trần Đông Xuân hu UBTWMTTQ Việt Nam, UBND tỉnh An Giang pok meyaom. Ong lac sa dalam dom kreih camin hadah, abih drei pambuak haong pakat ủy, karja palei daong ka rahra, ka bruk an sinh xã hội saong dak padang palei An Giang dak harei dak cakrok. Dom bruk ngak pahla, an sinh xã hội di ong Út Xuân daok ba mai dom siam mekre, pambak praong dalam bhap bini./.