Bahrau tukvak masa mang blaoh, UB bhap bini ban Đà Lạt, tỉnh Lâm Đồng hu peih bruk pok khan yaih mayaom brei ka saai Vũ Thị Thu (umor 47 thun), sa urang kumei dang bruk puh bah ramik pahacih hu duol sa baoh kadung bai teik di dalam nan hu 4.700 USD saong sa baoh jammariak komputer ba nao jao ka polih piah biyar tal ka urang po di nyu.

Saai Thu lac urang ngak kong di nyaom 1, Kapul Alam dalam ban, Kong ty cổ phần Dịch vụ ban Đà Lạt. Dahlau di nan, masa jam 9 melam harei 11 bilan 10, tuk gait sedang daok bah puh hareik di pabah mbang salam jalan Nguyễn Văn Cừ, Phường 1, ban Đà Lạt, saai Thu hu duol sa baoh bai kadung teik ban sambo juk caik di gok gha phun tapen jalan.

Hadei di pasang iek tame bai kadung, saai Thu mboh dalam bai ini hu biak rilo jien ndola, sabaoh komputer gam haong dom harak gar karei, yau nan ye saai Thu ieu saai Trúc peih radaih moto pajeng gait nao taom polih Phường 1, ban Đà Lạt piah piah jao saong daong duah po lahik ndap nda di nyu. Hadei di tuk taduan hu khau tin, Polih Phường 1 duah hu cambaih urang po lahik bai kadung nan angan saai Võ Thanh Vương.

UB bhap bini ban Đà Lạt, hu brei thau, bruk ngak di saai Thu ieu lac sa bruk ngak siam makre di dalam raidiuk. Bruk ngak gheih siam di saai Thu mada rik ba tame bruk khik ramik saong patagok dom yaom glaong di hatai anek manuac pak di ban Đà Lạt lac “Salut khanat – Gheih siam – Papraong tuai damuai”.

Kong ty cổ phần Dịch vụ đô thị Đà Lạt caong hatai khin taong abih urang jakar saong urang ngak dalam kapul drei njauk bac maru saai Thu sa urang yau kreih camin hadah di bhum taneh urang ban Đà Lạt jeng ye daka harei dak ralo urang.

Mai meng dom janih yau nan, urang pan akaok Kong ty cổ phần Dịch vụ đô thị Đà Lạt jeng hu pok mayaom jeng ye brei Harak pok mayaom ka saai Thu./.