Dahlau daih, raidiuk di sa-ai Lê Vương Quốc Hùng biak kan kandah, ngak rilo bruk piah duah jien cai pandar. Piah padang mbang ngui, urang likei ini pilih ruah bruk chế biến dom janih phun jru piah ngak ia menyum giải khát. Meng sa urang po labik ngak sit sot, urak ini sa-ai Quốc Hùng lac Yam ndok Cty TNHH thương mại dịch vụ Thừa Thiên Dược Thành, ngak tabiak 5 janih tea meng phun jru. Urak ini, doanh nghiệp di sa-ai hu 3 janih tea phun jru hu pok angan OCOP 3 patuk lac: tea Bôm Bốp Dược Vương Cung, tea Cốt Vương; tea Vương Hùng Thảo. Daok tea Gan Bôm Bốp daok hu UBND tỉnh Tiền Giang brei harak lac “pandap ngak kong palei pala hu angan pakat tỉnh thun 2023”.

Doanh nghiệp di sa-ai Lê Vương Quốc Hùng hu jien mek tame tani tanat, ba bruk ngak ka rilo urang ngak dalam palei. Meng ilamu peih bruk ngak mbang, padang mbang ngui di rup drei, sa-ai daok hu daong ka dom urang đoàn, dam dara dalam palei, daong ka dom bruk ngak pahala.

Njauk ndom tal di abih lac tuk jit praong Covid-19 rah tabiak, sa-ai Quốc Hùng kham merat hu mbaok tame bruk pacang caga jit, brei jru ka urang ruak njaom Covid-19; alin pandap ka dom urang ruak praong thun; hadiah pok jru an sinh... Yaom lac bahrau padang mbang ngui, min po doanh nghiệp ranaih umo ini tuk halei jeng sangka, daong ka dom urang kan kandah, bac megru, ngak tui jalan di Chủ tịch Hồ Chí Minh:“Meng tuk padang doanh nghiệp hu kuhria tal bruk kaoh tabiak jien laba meng 2-8% piah ngak pahla. Yaok bilan adei brei brah, mì ka dom sang kan kandah, atau nao angaok jalan drei brei ka dom urang kan kathaot di tuk melam. Dua tra lac drei daong jru tavao ka dom kapul peih bruk iek ruak ka urang taha daok sa drei, sang kathaot, drei blei jru Prang alin brei. Langiu di nan, taong abih bruk hagait ngak hu ye drei ngak tui prein di drei”.

Lac anek di sang kan kathaot saong amaik palang lahik kayua ruak trak nan ye tuk hu raidiuk tani tanat, sa-ai Lê Vương Quốc Hùng biak thau cambaih, biak anit saong tuk halei jeng daong ka dom urang kan kandah, ruak kik. Bahrau ini, sa-ai daok roh duah, ngak tabiak sa janih tea phun jru angan lac Sáo Tam Phân. Tea ini sa-ai brei saoh ka dom urang ruak atah jaik. Sa-ai Huỳnh Phát Đạt, Bí thư Kapul dam dara xã Tân Mỹ Chánh brei thau, sa-ai Quốc Hùng tuk halei jeng hu mbaok dalam dom bruk ngak, abih di nyu lac bruk pahala biak njauk pok meyaom:“Sa-ai Lê Vương Quốc Hùng lac urang likei hadah krah dalam bruk padang mbang ngui di palei. Tukvak tapa, sa-ai hu rilo pandap siam, chất lượng glaong pabak hatai takre di menuac blei. Sa-ai hu tacei jalan ka urang đoàn, dam dara caong peih bruk ngak mbang. Langiu di nan, sa-ai daok lac sa urang abih drei ka bruk ngak pahla, rik daong rilo ka puk palei”.

Sa-ai Quốc Hùng hadah mbaok meta hu Kapul dam dara pakat negar, UBND tỉnh Tiền Giang, dom gah dom pakat pok brei rilo harak meyaom ka dom bruk ngak di kapul dam dara, rik daong padang ngak xã palei pala bahrau jeng yau dom bruk ngak pahla. Urak ini sa-ai daok roh duah, ngak tabiak rilo janih tea phun jru chất lượng glaong piah pabak ka hatai caong di menuac blei atah jaik, meng nan hu jien piah ngak bruk pahla./.