Trung úy Hiếu daong sraong saong sơ cấp cứu klah di metai ka 4 dalam 5 urang mblung ia

Dah page harei 10/4, tuk daok manei ia tasik haong gauk gar dalam sang di Bà Rịa - Vũng Tàu, trung úy Thái Ngô Hiếu hu mboh rilo manuac njauk mblung ia. Trung uý Hiếu samar caluai tabiak labik nan, dui hu 3 urang (lac 1 urang likei saong 2 urang kumei) tagok mbaok ia ba tame gah.

Hadei di nan, trung úy Hiếu haong urang daong menuac njauk bala di mblang tasik duah mboh gilac sa urang kumei mblung ia, abih dom urang nan jeng var drei jan, oh daok thau hagait. Tuk ba urang njauk bala tagok thu, trung úy Hiếu meng dom ilamo hu pasram ka bruk sơ cấp cứu camriep, samar hô hấp nhân tạo daong diuk veik  hu ka 4 urang njauk bala.

Tal tuk nan, kapul dom urang ranaih meng khan lac daok sa urang njauk bala tra ka oh duah mboh, thau lac urang ini lahik, trung uý Hiếu haong dom urang jakar, urang lin  kapul Cảnh sát Pacang khuah padam khuah saong daong duah urang gaok bala Công an tỉnh Bà Rịa - Vũng Tàu ba gauk nao ravai duah, hadei di labaih 30 minit hu duah mboh urang nan daok atah di labik dom urang njauk bala labaih 200m min urang nan metai paje.

Dah page harei 11/4, akaok negar Nguyễn Xuân Phúc hu pok mayaom Trung úy Thái Ngô Hiếu, Jabat Cảnh sát pacang khuah padam khuah saong daong duah urang gaok bala Công an tỉnh Đồng Nai oh huac metai lahik, daong hu rilo urang daok mblung ia. Akaok negar ndom lac, ini biak lac bruk khang hatai, oh huac metai lahik hu bhap bini iek praong, pok mayaom. Dom krieh camin var klaak rup drei kayua suan yava di urang karei njauk hu pambak tabiak dalam bhap bini piah hu rilo menuac jia tame dom bruk siam mekre dalam raidiuk.

Akaok negar Nguyễn Xuân Phúc hu ieu kakei Mintri Công an, Công an tỉnh Đồng Nai saong tỉnh Nam Định, hu jalan pok mayaom Trung úy Thái Ngô Hiếu saong saai Nguyễn Đức Chính, tapa nan pambak tagok dom krieh camin var klaak rup drei, oh huac metai lahik piah daong urang njauk bala, piah yaok harei meda hu rilo jang bruk siam makre saong dom krieh camin hadah  rik tame bruk dak padang raidiuk siam makre, haniem phul, saron mbon.

Hadei di nan, Công an tỉnh Đồng Nai hu peih bruk brei thau sarak di akaok Mintri Công an brei ka trung úy Thái Ngô Hiếu  tagok jeng đại úy saong harak mayaom di Bí thư Tỉnh uỷ Đồng Nai.  Brei panuac di tuk peih bruk nan, thiếu tướng Vũ Hồng Văn – yam ndoc Công an tỉnh Đồng Nai, brei thau: bruk khang hatai, oh huac metai lahik di Thái Ngô Hiếu lac sa bruk mai meng pato pasram bo công an Đồng Nai  kham marat ngak dalam tukvak tapa. Tapa nan hu khik ramik, pasram ngak, pato pakai nan ye dom urang jakar, urang lin hu bản lĩnh chính trị biak khang kadang, abih hatai haong cách mạng, oh huac metai lahik, sami samar, naih gheih, hu ilamu dalam bruk ngak, oh sahneng hagait tal rup drei kayua raiduk saron mbon saong haniem phul di bhap bini.

Dalam bruk ngak di drei, trung úy Thái Ngô Hiếu hu mbaok tame 39 mbang daong urang gaok bala; daong diuk hu ka 11 urang, daong duah mboh 37 urang metai, hu mbaok tame bruk paduan ba 50 baoh sang njauk ia dauk nao tal labik salamat, sraong mek hu 1 sruh radaih pajeng pandap gam haong rilo pandap panda di dom vụ án hình sự ala bingun dalam saong di ala kraong ia.

Đảng ủy, urang par akaok Công an tỉnh jeng hu ba tabiak mbang pacacah dalam gah công an Đồng Nai peih bruk bac taa, megru tui jalan abih drei ka bruk ngak saong hatai khang oh huac metai lahik di đại úy Thái Ngô Hiếu. /.

Urang lang: Thu Thao – 25/04