Bruk kuhria ngak pasiam ka puk alei hu ba akaok nao dahlau 

Meng hatai khin mai veik rik dong, duah jalan piah padang mbang ngui  di angaok bhum taneh palei drei, hadei di tuk bac tamat sang bac trung cấp Kỹ thuật ngak nong ban raya.HCM, saai Lê Phi Long mai  xã Bình Sơn ngak gah thú y. Xã Bình Sơn hu mong lac pasak rong menuk bein, min saai oh hu rilo ilamu  rong menuk. Piah ngak siam bruk di sa urang ngak gah  thú y, saai Long eng drei duah thau, bac megru tapa tapuk siphau, tapa bruk hu mboh anak meta di dom boh sang rong menuk  .

Thun  2017, meng phun jien di boh sang, saai Long khang hatai  buh jien tabiak padang val raong . Kayua hatai khin di urang blei dak harei dak takre dom pandap hacih saat. Kayua yau nan ye, saai duah bruk rong menuk sinh học – pandar dom pandap sinh học. Bruk rong ni takik pandar  kháng sinh song salih tame nan lac chế phẩm sinh học song a xít hữu cơ dong ka jalan tung pruac di menuk hu khang kadang. Bruk njauk biai di abih lac, rong menuk tui jalan ni dong patrun urang ngak, jru thú y, menuk praong siam jang song abih di nyu nan lac siam ka urang blei mbang. 

Meng val ro hu labaih 500 drei menuk, urak ni, saai Long hu peih prong val ro tagok  4 ribau drei menuk, duah hu labaih 1tỷ, 300 ribau đồng sa thun . Hadei di tuk mek hu  giải klau bruk pakacah dam dara palei pala harah krah padang mbang ngui song danak dak  OCOP (Yaok  xã sa pandap) thun  2020 kayua Tỉnh đoàn peih ngak, saai ngak hu siam bruk rong menuk sinh học  song dok peih prong bruk ni  meng padang  HTX rong glang sinh học di xã song ba bruk ngak ka rilo dam dara dalam xã.

Langiu di bruk lac urang ngak gah thú y di xã Bình Sơn, saai Long dok hu pok ngak Paok akaok kapul urang nong   xã. Meng ilamu pataom hu, saai tacei pato ka dom boh sang rong tui jalan sản xuất, dom ilamu ka bruk rong glang, thú y, salih janih raong.

Meng bruk lac Yam ndoc  HTX rong glang sinh học di  xã Bình Sơn, saai jak ba dom boh sang rong glang tui jalan an toàn sinh học dong pasang iek hu jit ruak, ngak tabiak dom pandap hu chất lượng glong, khik hacih saat siam mekre pandap mbang, nerak tasuak meng rong glang hu langyah siam lagaih jang, rik dong khik caga alam  môi trường...

Oh padeih di nan, meng pren ranaih, abih drei ka bruk ngak, saai Long dok taduan ngak  Bí thư Chi đoàn palei 9. Taphia bruk abih drei hu mbaok tame dom bruk ngak kayua  Kapul dam dara pakat angaok peih ngak, saai jeng dui pachreih hu urang đoàn dam dara, abih di nyu nan lac urang đoàn dam dara khin padang mbang ngui meng bruk rong glang.  Dalam thun  2021, saai hu nao jak ba dom urang di HTX rong glang sinh học rik dong phun jien, dong ka dom boh sang patrun kan kandah dalam jit prong COVID-19./.

Urang lang: Hanipha- 17/1