Ong halan hatain brei taneh piah ngak jalan palei pala
Thạnh Mỹ lac xã atah bayah di bhum Đồng Tháp Mười, bahrau hu padang tagok oh ka lavik, labik laboa, pandap panda jalan mbak dok kurang, daok takik. Tui bruk padang ngak palei pala bahrau, karja xã jak ba mik va rik dong harei ngak bruk, brei taneh piah ka labik ni padang ngak dom danak dak jalan mbak palei pala tui tanut palei pala bahrau.
Mboh hu kein laba ka bhap bini, saong patagok hu bruk ba akaok nao dahlau , hadah krah di Bộ đội wa Hồ, ong Nguyễn Thanh Tùng ginum biai song diuk anek brei taneh piah ka xã Thạnh Mỹ peih prong jalan tui tanut palei pala bahrau.
Mbang ka sa, ong brei mblang taneh 2.500m2 piah ngak ar pacang ia sua ka bhum pala menaih, pambuak song bruk patagok jalan mbak palei pala. Mbang ka 2, ong brei taneh prong labaih 6.000m2 piah ngak jalan Tây kênh 82 pambuak Thạnh Mỹ song dom xã jiak taphia. Mbang ka 3, ong brei gac taneh prong labaih 600m2 piah peih prong jalan Bắc kênh Tràm Mù tapa xã Thạnh Mỹ. Dom mblang taneh ong Nguyễn Thanh Tùng brei ka karja jeng dok pala menaih piah pablei tabiak negar langiu , hu yaom kinh tế glong. Urak ni, abih tih mblang taneh ong brei tagok tal jiak 10.000 m2, yaom yaok tỷ đồng.
Ong Nguyễn Thanh Tùng brei thau, lac bộ đội wa Hồ, ong tuk halei jeng bac megru song ngak tui panuac tacei pato di Wa, abih drei ka bhap bini. Nan ye, bruk brei taneh padang ngak palei pala bahrau, peih tabiak harei hadei patagok ka palei pala, mik va jeng hu mbang tui kein laba, nan ye ong mboh biak sambai.
Ong Nguyễn Văn Trung, Akaok UBND xã Thạnh Mỹ ndom lac, bruk ngak hadah krah di ong Nguyễn Thanh Tùng hu pren pambak praong dalam bhap bini. Taong abih boh sang di labik hu dom jalan peih prong jeng njauk hatai brei taneh. Meng hu yau nan, Thạnh Mỹ mek hu tanut palei pala bahrau di puac thun 2021.
Ong Tùng dok lac urang dalam kapul urang ngak nong, kapul urang dahlau deih ngak bol lin ngak mbang, pablei salih naih joi di tỉnh. Meng tari tarieng, kham merat, ong hu ngak po 6,5 ha taneh pala menaih , yaok thun mek hu oh mala 130 tấn boh, kaoh abih phun jien buh tame ngak, ong daok laba hu meng 400-500 triệu đồng.
Meng dom bruk ngak brei ka bhap bini, ong Nguyễn Thanh Tùng hu Akaok UBND tỉnh Tiền Giang brei harak meyaom ka bruk ngak di urang nong ngak mbang palei salih naih joi , urang dahlau deih ngak bol lin ngak mbang pablei salih naih joi dalam palei. Bruk ngak mbang pablei salih naih joi song abih hatung hatai ka bhap bini di urang dahlau deih ngak bol lin angan Nguyễn Thanh Tùng hu menuac urang pok meyaom , bac megru tui./.
Urang lang: Hanipha- 10/10
Viết bình luận