Lac urang jakar abih ngak bruk dalam bol lin dahlau, ong Bá Quốc – Urang hu angan je bhum urang bangsa Cam, palei Phan Hòa, xa Bắc Bình, tinh Lam Dong hu pandar bruk thau ka hukum, ilamo saong angan je di drei piah gam haong karja pathau khan, jak ba mikva bangsa Cam di ini ngak siam dom jalan ngak, sarak, hukum di Ndang, Karja; gam haong gauk padang, ngak adat palei: huong uoc, quy uoc, salih kambuan kanat adat cambat oh daok siam lagaih.

Ong Quốc brei thau, piah mikva pang saong ngak tui, ye baoh sang ong, anek taco saong but pajaih ong daok gam haong kapul jabat gah langyah dil samu dom gal tavak di mikva, oh luai rah tabiak bruk “pandiak”.

“Langiu bruk jak ba mikva kaoh taneh ngak jalan…”

Daok ong Kim Ngọc Thành, yaom lac thun umo praong paje, min ong jeng bhian pandar ilamo, tapa di nan, pathau khan, ndom meyai, jak ba mikva urang bangsa Cam dalam palei Phan Hiệp ngak tui; meng nan ngak jeng bruk salih ka ilamo iek praong, ngak tui hukum, khik ramik saong paglaong adat cambat siam gheih di bangsa Cam, ong Thành hu kham merat jak ba mikva tuk pandik pandua srap gap duah labik y te piah hu pasang iek, taong ruak. Ong daok hu mbaok tame peih dom tal pato bac megru tal bac akhar huroh Cam saong dom kadha adaoh bhap bini:

"Ngan haong bruk di sa rahra, khol dahlak dak harei dak brei mboh bruk di drei piah pathau khan, jak ba mikva bangsa piah ngak bruk di drei meng bruk ngak cambaih laih yau bruk ngak dom jalan ngak, sarak di Ndang, Karja saong jak ba rahra. Nan lac bruk pambuak piah ka rahra sahnang hatai, buh tung tian ngak tui, rilo meng lac hu mbaok tame dom danak dak kinh te di bhum palei saong an ninh siam mekre”.

Tui ong Nguyễn Quốc Thắng, Bi thu Ndang uy xa Bac Binh, tukvak tapa, dom halau janeing saong Urang hu angan je dalam bhap bini bangsa Cam daok di xa Bac Binh hu paglaong angan je, bruk di drei, daong haong pakat uy, karja dalam bruk pathau khan, jak ba rahra ngak jalan ngak di Ndang, sarak, hukum di Karja saong hu mbaok tame dom danak dak pakacah di bhum palei. Dalam padang raidiuk ilamo, dom urang jak ba mikva padang baoh sang ilamo, daok dang gheih ghang siam mekre, khik ramik hatai anit ranam gauk di rahra palei pala, gul pataom, daong gauk dalam patagok bruk ngak mbang padang rai diuk.

Urak ini, mbaok meta bhum mikva urang bangsa Cam di tinh Lam Dong dak harei dak hu hadah krah, raidiuk di mikva dak harei dak hu paglaong. Daong ka bruk jak jeng ini, hu bruk rik daong hu makna di dom Urang hu angan je. Dom urang nan tuk halei jeng ba drei nao dahlau dalam grauk gah dalam raidiuk rahra, kham merat pathau khan, jak ba rahra ngak dom danak dak, pakacah padang raidiuk baoh sang trei sir haniem phol salamat, daong padang karja, padang palei pala dak harei dak patagok./.