Urang jakar abih drei haong bruk ngak
Mbang camereip hu taom gaok saong ndom biai haong amuk Mí, kol dahlak mboh amuk biak bui sambai, chreih chrai, siam hatung hatai. Langiu di nan, amuk daok abih drei haong bruk ngak. Tuk ndom biai haong kol dahlak, amuk jeng oh klaak bruk cakak ngak pasiam dom mbu bingu bahrau hu pala di jalan tỉnh 816. Ini lac danak dak jalan bingu di ấp piah ngak brei mekre, pabak gah tiêu chí môi trường, rik daong dak padang xã Thạnh Hòa mek hu chuẩn palei pala bahrau di puac thun ini.
Amuk Ngô Thị Ngọc Như, Phó Chủ tịch UB bhap bini xã Thạnh Hòa ndom lac: “Amuk Mí tuk halei jeng abih drei haong bruk ngak. Yaom lac umo glaong min bruk halei amuk jeng ngak, oh huac glaih glar hagait. Ngan saong yaok bruk hu jao brei, amuk tuk halei jeng kham merat ngak salah samar di abih saong siam mekre di abih. Dom bruk hu amuk jak ba, bhap bini biak pachreih tui saong chreih chrai hu mbaok tame”.
Ndom ka ilamu dalam bruk jak ba, amuk Mí khan lac: “Khin brei bhap bini ngak tui, dahlau di abih drei brei ngak ka bhap bini jia tame. Dalam yaok bruk, dahlak haong Chi bộ, ban ấp, dom kapul nyaom jeng khan brei thau cambaih laih saong ginum biai njauk gauk, bruk pamaong tal puac di abih nan lac duh ka bhap bini. Ngan haong dom sang kan jak ba, dahlak ngak tui jalan yau Yuan lac “mưa dầm thấm lâu”, kham merat langyah mbiah tal tuk bhap bini thau saong njauk hatai ngak tui”.
Meng jalan ngak nan, Ấp 5 tuk halei jeng lac labik ba akaok nao dahlau dalam bruk brei taneh ngak jalan, padang dom danak dak ka bhap bini. Bahrau di abih, bhap bini dalam palei hu brei taneh, rik jien padang ngak jalan Ba Vồn Nhỏ saong pala bingu, phun hijao tapen jalan. Tal urak ini, dom jalan praong dalam palei jeng hu gom truac hadah tuk melam, daong ka bhap bini nao mai hu mbuan lagaih jang. Taphia di nan, amuk Mí daok hu pathau khan, jaka ba bhap bini jhul khang bruk ngak mbang, pala drak, pablei salih, daong gauk patagok kinh tế, patrun kan kathaot khang kajap.
Umo 65 thun, 11 thun umo Đảng, gam haong ilamu labaih 15 thun ngak bruk di ấp haong rilo bruk karei di gauk, meng Akaok mban ngak bruk Mặt trận ấp tal Bí thư Chi bộ gam ngak Trưởng ấp, yaom lac ngak bruk hagait, amuk Mí jeng kham merat abih drei. Meng bruk rik prein di amuk, mbaok meta di palei, di ấp dak harei dak hadah hadai, raidiuk hu glaong tagok. Dom thun tapa, amuk hu dom pakat pok meyaom kayua hu dom jak jeng dalam bruk jak ba, bac megru saong ngak tui jalan hadah krah, siam mekre di Hồ Chí Minh; ngak hu siam bruk hu jao brei./.
Urang lang: M. Phuong - 05/09
Viết bình luận