Muk ba ilamu bahrau tame bruk pala thanh long 

Sang muk Sa y Dah  daok di miền Tây mai  Đồng Nai padang mbang ngui meng dahlau di thun 1975. Dalam rilo thun gam, sang amuk ngak padai, pala tangei, nan ye tok ginup mbang. Hadei di ni, meng hu lambaok ka bhap bini Chăm di pak ni nao rivang iek bac megru ilamu di miền Tây, hu mbaok tame dom tal pato pasram di  huyện, di tỉnh, muk hu jak jeng song bruk salih janih phun pala .

Tapa duah thau ilamu dom bruk ngak mbang, pala drak di dom boh sang dalam bhum, muk patak pataom hu rilo ilamu pala song iek glang phun mbang boh. Muk peih bruk pala  thanh long ralow meriah hu năng suất glong, boh prong  siam, song abih di nyu nan lac  hu sambo màu gheih mekre. Dom thun  2017-2020, thanh long hu yaom, sang muk ngak mbang hu laba nan ye peih prong mblang taneh phun pala. Amuk Sou A Tah hong dom mik va dang tabiak padang  HTX Thương mại dịch vụ thanh long Palei Chăm piah dong ka mik va  Chăm jalan pala, iek glang  thanh long tui jalan hữu cơ song pambuak gauk pablei kaya nong. Meng nan jien mek tame sang hu tani tanat , yaok thun hu labaih 1 tỷ đồng.

Dom thun tapa, muk Sou A Tah abih drei hu mbaok tame dom bruk palei, abih di nyu nan lac bruk ngak pahla di palei, yau brei taneh song rik daong jien ngak jalan palei; dong phun jien ka urang kamei kan kandah padang mbang ngui. Yaok thun  muk hu dong brei Kapul urang kamei  xã meng  5 - 10 pok jien bac ka anek saih kan kathaot pachreih bac. Dalam bilan Ramadan di urang Chăm, muk brei yaok rituh pok pandap dalam nan hu brah, menyek mbang, bột ngọt ka dom sang kan kandah.. Meng akaok thun  2022 tal ni, muk dong hu jiak   92 triệu đồng ka dom bruk jak ba, pandap tết…

Akaok Kapul  Urang kumei xã Xuân Hưng Trần Tuyết Sương brei thau: “Muk  Sou A Tah lac kreih camin urang kamei bangsa takik hu rilo kham merat dalam bruk patrun kathaot, patagok  kinh tế, padang ngak palei pala bahrau di pak ini, kham merat hu mbaok tame dom bruk palei. Muk bhian hu mbaok sinh hoạt Hội song jak ba abih gauk ngak njauk tui sarak di Đảng, hukum di Karja. Rilo thun gam, sang muk hu pok brei angan lac boh sang ilamu”.

Meng thun  2017 mbiah tal ni, muk  Sou A Tah taduan hu rilo harak meyaom di tỉnh, di  huyện song  xã. Dalam nan, hu harak meyaom ka bruk ngak biak gheih dalam bruk Menuac gheih bruk siam  thun  2020 di UBND tỉnh Đồng Nai; Harak meyaom  urang kamei naih gheih dalam bruk patagok kinh tế, padang mbang ngui thun  2018 di  tỉnh. Muk jeng hu UBND huyện Xuân Lộc pok meyaom kayua hu rilo rik dong dalam bruk ngak bangsa tuk vak  2014-2019 di  puk palei  song hu jao harak meyaom urang nong ngak mbang pablei salih naih joi di UBND huyện Xuân Lộc thun 2022./.

Urang lang: Hanipha -19/9