Ong Võ Văn Ten daok di Tây Ninh ngak po tal labaih 70 ha taneh pala glai

Umo 75 thun, min ong  Võ Văn Ten harei harei jeng daok gam tangin, gam takai haong bruk di sa urang ngak nong: hu tuk ndik radaih mac tame ravang glai keo, tràm, sưa, xoan…; hu tuk trun hamu iek glang bein kandiuk, bei plom, hu harei tapa ramik pasiam jamriak la-ua … Bruk halei ong Ten jeng gheih ngak haong hatai takre, haong ilamu patak pataom hu di sa urang ngak nong umo labaih 70 meng kan mai lac biak takik hu. Kayua yau nan ye, meng jakar pachreih nong, kỹ sư lâm nghiệp, tal dom sinh viên gah nông, lâm bhian mai tal ong Ten piah bac megru, piah duah thau dom ilamu bo urang ngak nong lavik thun ini patak pataom hu dalam yaok pluh thun kak kajap haong phun saong taneh labik ini.

Bruk pala glai di ong Ten hu meng 20 thun dahlau. Tuk nan, ong hu kuhria lac: sa meteh mblang taneh piah pala dom janih phun yau bei plom, tabau, cao su… piah hu jien mbang cai yaok harei, daok sa meteh mblang taneh ong pala glai, dalam nan hu dom glai kayua quý yau gõ, giáng hương... . Jeng di mala halui glai, dom janih phun jru quý hu ong ba mai iek glang, khik ramik ngak jeng bein jru quý.

Meng harei danao Dầu Tiếng – lac danao thủy lợi praong abih di taneh ia hu ngak salah di thun 1985 ba ia pruh ka yaok ratuh rabau ha taneh ngak nong di tỉnh Tây Ninh haong dom tỉnh, ban jaik taphia yau Bình Dương, Ban raya HCM saong Long An, ong Ten dak khang hatai haong bruk pala glai, khik ramik hệ sinh thái ka bhum taneh biên giới kan kathaot palei ong.

Dua pluh thun abih drei haong bruk pala glai, tal urak ini, mbaok taneh glai di ong Ten hu tagok tal jaik 100 ha ngan saong dom got sưa, xoan đào, gõ, giáng hương, lim xanh… praong nde menuac kua. Ong Ten khan lac: “Dahlak hulin pala glai piah khik veik phun glai ka anek taco harei hadei thau ka dom janih phun kayau quý hiếm, jeng lac jalan piah pato kol nyu thau anit ranam langik tasik, kayau patau.…”,

Taong abih 6 urang anek di ong Ten jeng bac tamat đại học saong hu bruk ngak tani tanat, min jeng mai veik haong bruk anit ranam taneh riya, langik tasik siam mekre, hacih sa-at di bhum taneh palei drei.

Ong Đinh Văn Điểm, Phaok Yam ndok Agribank huyện Dương Minh Châu brei thau: yaom di labaih 70 ha glai vil val labik danao Dầu Tiếng bo ong Ten ngak hu saong hệ sinh thái siam mekre haong langik tasik nan lac drap ar biak hu yaom glaong ka pak ini”.

Dalam palei, sang ong Ten jeng lac sang ngak pahla nao gam haong bruk an sinh xã hội. Meng rilo thun tapa, dom rik daong di sang ong ka dom bruk yau padang ngak, alin hadiah “Baoh sang urang nong”; peih praong, ngak pasiam jalan mbak nao mai dalam palei… hu daong ngak brei salih bahrau mbaok meta puk palei. Langiu di nan, ong daok hu daong jien ndo, pajaih phun pala ka yaok pluh baoh sang kan kathaot, baoh sang gaok kan kandah dalam palei yam tagok tabiak truh kan kathaot, tani tanat raidiuk./.

Urang lang: M. Phương – 03/10