# Dahlau deih  ikan  hô hu biak rilo di angaok krong Cửu Long, min jiak di ni daok takik kayua tong chap, ba tal bruk mbuan lahik abih nan ye janih ikan ni hu angan dalam tapuk bhong Việt Nam. Patuah lac, jiak di ni  Pasak pakat negar pajaih kaya ikan ia taba Nam Bộ  ngak brei ikan  hô mebaoh menek  hu song hu jao drei janih  ka rilo sang raong iek hu siam, pagap yau di An Giang, Kiên Giang, Vĩnh Long....

# Sa dalam dom urang rong ikan piah pablei hu jak jeng lac ong Ngô Hữu Phước, umo 63 thun, dok di palei  Đông Hậu, xã Ngãi Tứ, huyện Tam Bình, tỉnh Vĩnh Long. Ong Phước brei thau ikan  hô mbuan rong, tagok kilo samar , takik njauk jit ruak,  ikan metai oh hadom. Hadei di 18 bilan rong ikan  trak meng 2 tal 2,5kg sa drei. Abih di nyu nan lac ikan  hô dak prong yaom pablei dak glong,  kayua yau nan ye rilo urang rong tal thun ka 3 meng mek pablei (trak meng 5 – 10 kg sa drei).

# Thun 2013 ong Phước palao rong iek  4 drei, hadei di  18 bilan teik trak 5kg sa drei ngak ka urang mboh tatuak drei. Hadei di nan ong palao rong veik 200 drei pajaih. Meng siam lagaih nan, thun  2017 ong palao gilac  650 drei pajaih bahrau blei meng An Giang. Gam rong ong gam bc megru ilamu meng dom mô hình di dom  tỉnh karei,  saong ong jeng roh duah meng harak báo, abih di nyu nan lac bruk dong ba abih hatai jai di dom  chuyên gia gah kaya ikan

# Tui ilamu di ong, khin ka ikan samar prong, prong nde gauk, anek pajaih brei khang kadang,  siam song palao 1m2 sa drei . Tuk ikan prong , mbaok ia njauk tagok jang 2 mbang brei ikan lagaih caluai kayua janih ikan ni takre caluia, chat. Langiu di nan, dalam danao rong ong dok hu ngak rilo mùng halam  (vèo) piah kreik dom drei ikan praong nde gauk, plaih nyu meriak gauk mbang.

# Ia dalam danao brei khik hacih saat  song ginup  dưỡng chất. Kayua yau nan ye, ala mbat danao ong caik sa hệ thống sụt khí piah tagok  oxy ka ikan, abih di nyu nan lac ikan prong. Daok Pandap mbang , ong brei ikan mbang pandap mbang công nghiệp gam song njam puan, njam sapei.  Janih ikan ni biak hawa mbang, min huac kanda, nyu bhain dok di ala dalam tuk langik pandiak song tok tagok mbaok ia tuk beir harei lingik la-an .

Meng thun  2018 ong Phước mek pablei min oh pablei sa mbang bo tok pablei tuk halei hu urang khin blei ngan song yaom  300.000đ/kg (yaom yaok drei meng  1 triệu meteh tal 3 triệu đồng). Tui nan, meng akaok thun tal ni ong mek tame hu labaih 300 triệu đồng meng jien pablei ikan hô raong./.