Dom uranaih bhum glong hu iek glang biak siam 

Lac labik bhum ceik nan ye jiak abih dom labik bac da-a di pak ni jeng hu karja buh jien padang ngak siam mekre, min rilo anek saih jeng dok klaak bac. Kan kathaot eik lipa jeng lac makna ngak ka rilo anek saih oh hu nao bac. Bruk peih ngak danak dak  “Raong adei Mộc Châu” di Kapul dam dara, Kapul urang kamei  Công an huyện Mộc Châu kayua  trung úy Dương Hải Anh, Bí thư Kapul dam dara  ngak chủ nhiệm taduan hu bruk pachreih tui biak glong di Thường vụ Đảng ủy Công an huyện Mộc Châu. Labik peih ngak cemereip lac sang bac mầm non Phiêng Cài, xã Lóng Sập. Tuk camereip tok lac hatai sahneng pambuak pagam dom urang ngak pahla dong ka dom adei pak ni hu var lasei trei tian piah sahanang hatai  nao bac, min bruk ni nyu dui pachreih rilo menuac  hu mbaok tame, yaok rituh adei hu taduan rong song bruk ni dok dak harei dak tagok jang .

Peih ngak danak dak , bruk ngak di  Hải Anh song nyaom ngak bruk lac pambuak dom raiduik kan kandah song dom urang ngak pahla (jeng lac dom urang taduan raong dom uranaih ) tapa  mạng xã hội. “Tong abih dom urang dalam mBan Chấp hành Kapul dam  dara, Kapul urang kamei Công an huyện hu ba akaok nao dahlau, yaok urang taduan rong sa uranaih, saong hu panuac ieu dom urang ngak pahla taduan rong lisei jala pandiak ka uranaih ngan song yaom jien abih tih ka 1 thun bac  (9 bilan) lac 1.450.000 đồng. Kapul peih ngak danak dak taduan tapak, khik ramik song parabha  pok jien dong, bhain nao rivang, pambuak meng urang taduan rong song uranaih hu raong”, Hải Anh brei thau.

Urak ni, hadei di labaih meteh thun peih tabiak, danak dak hu dong rong ka labaih 300 adei anek saih mầm non di  9 labik bac di xã tapen negar  Lóng Sập. Labaih  200 adei di dom labik  sang bac  mầm non xã Chiềng Sơn, xã Nà Mường, xã Quy Hướng, huyện Mộc Châu hu dom urang ngak pahla sinya taduan rong dalam thun bac  2021-2022. Hu labaih  400 urang ngak pahla halan hatain rik pataom jien peih ngak danak dak. Tuk vak peih ngak hu bruk pasang iek catang di dom urang ngak pahla, karja puk palei, xã song dom urang dalam nyaom peih ngak danak dak.

Trung úy Dương Hải Anh khan lac: “Tuk vak tal, kol dahlak cong khin saong kham merat ieu dom urang ngak pahla rong tong abih dom adei sit di dom xã kan kandah  dok di  huyện Mộc Châu song peih prong tabiak dalam tỉnh. Hadei di nan peih ngak danak dak  dong brei yau ye ba bruk ngak ka amaik ame dom adei  … Dahlak tok cong khin lac hu rilo adei sit tra hu taduan rong” ./.

Urang lang: Hanipha -1/11