Kapul nyaom brei pandap ka urang kan kathaot 

Biak di nyu, yaom sa pok lisei 2.000 đồng di  Diễn đàn tuổi trẻ tỉnh Quảng Trị samu song pok lasei  yaom glaong jang10 mbang di langiu drak pasa. Yaom lac pablei yaom nan min dom pok lasei hu ginup ikan, ralo, boh, njam patam boh karaoh song ia bai, khik ginup dinh dưỡng ka urang ruak daok ndih iek ruak.Saai Nguyễn Duy Tân – sa dalam dom urang biak tari taring di  Diễn đàn tuổi trẻ tỉnh Quảng Trị brei thau: Yaom pablei 2.000 đồng/sa pok lisei tok lac tượng trưng, piah urang mbang oh sahanang lac likau lisei pahla brei saoh bo huak lisei kayua drei blei. 

Piah khik hacih saat pandap mbang ka urang ruak, tong abih janih meng brah tal pandap ngak jeng hu dom  urang di  Diễn đàn tuổi trẻ tỉnh Quảng Trị mbaoh tangin tame pambuak bruk haong dom  labik pablei kaya nong hacih saat, hu asar cambaih laih. Meng 5 tuk saboh dom harei adit, meng  10 tal 15 urang di Diễn đàn tuổi trẻ tỉnh Quảng Trị, yaok urang sa bruk, pabha gauk nao blei brah, pandap panda, bloh ba gauk ngak, tapa nan, dom pok lisei duh ka urang ruak hu ginup  dinh dưỡng song bingi cambuai. Kayua yau nan ye, tok  hadei di  30 minite, dom pok lisei pandiak hu tal tangin urang ruak saong dalam 30 minite ye pablei abih.

Muk Hồ Thị Yếc, xã A Ngo, huyện bhum ceik  Đakrông daok raong anek njauk ruak boh hatai dok iek ruak di sang iek ruak Đa khoa tỉnh Quảng Trị brei thau: Lisei pablei  2.000 đồng/sa pok  min nyu bingi song hacih saat; abih di nyu nan lac, urang pablei ndom puac biak bingi pang, rap ar menuac blei. Yaok bilan hu 2 mbang  pablei lisei yaom 2.000 đồng/sa pok, hu dong ka dom urang ruak kan kandah dalam tuk iek ruak.

Taphia di nan, yaok mesup harei  som yaok adit, dom urang dalam Diễn đàn tuổi trẻ Quảng Trị dok hu ngak song brei saoh  750 pok bu ralow, yaom abih tih 2,5 triệu đồng. Yaok thun, Diễn đàn tuổi trẻ tỉnh Quảng Trị dok hu peih rilo danak dak hu makna karei yau: Danak dak "Hơi ấm mùa Đông", brei khan aow ka uranaih song urang taha hu rai duik kan kandah; "nao gam haong uranaih tal sang bac", alin brei harak tapuk, khan aow ka anek saih; "Xuân yêu thương"... Abih tih pok jien peih ngak danak dak lac labaih 400 triệu đồng/sa thun, jeng hu Diễn đàn tuổi trẻ Quảng Trị jak ba bruk rik dong di dom urang ngak pahla, kapul nyaom, đơn vị dok dalam song langiu tỉnh./.

Urang lang: Hanipha -9/3