

Urak ini di labik khik caga alam langik tasik Lung Ngọc Hoàng daok khik hu labaih 900 janih anek athur, phun kayau. Rilo janih athur kan si duah, dalam nan hu janih athur daok dalam harak merah angan brei khik chip Viet Nam saong di dunya yau ye anek bhai, kara, ula can vak… Langiu di nan, di ini daok hu dom janih yeu ye: meja bạc má, cà cuốc, ciim giang sen, kaok lạo xám, ciim dhun asau, bhai, meja juk, musang mayao gam haong dom janih athur kan di mboh karei yau ye càng đước, aring đinh, kara kanyik, kriuk laning...
Tui ong Lư Xuân Hội – Yam ndok Labik labik khik caga alam langik tasik Lung Ngọc Hoàng, bruk ngak jeng bein pataom phun kayau, dalam nan hu gah piah ka gah raong glang, daong anek athur glai brei hu dak harei dak pataom hu rilo janih phun kayau, athur hu suai lavik di bhum taneh piah lagaih ka bruk roh duah, khik ramik, gam haong nan piah mbuan yaih khan tal tuai damuai jirah rivang dalam harei hadei tuk patagok jirah rivang.
“Khol dahlak hulin pataom dom janih phun kayau hu rilo saong hu suai lavik di bhum saong hu sa labik raong dom janih anek athur jaik abih brei pacang khik chip, luai nyu daok di langiu ye huac nda nyu lahik abih nao. Yaok thun ye bruk ini jeng lahik rilo jien padai ye UB Bhap bini tinh hu pabak brei ka khol dahlak hulin raong glang, caga khik ramik pajaih ini.”
Bein pataom phun kayau hu padang di angaok taneh praong labaih 1,1ha. Labik ini urak ini hu pataom jaik 90 janih phun kayau hu asal gok suai lavik di bhum ini min nyu daok takik. Langiu di dom janih phun kayau, di bein daok hu labik hu padang dom danao, var ro piah daong anek athur glai bo rahra hu mek raong tapa bruk jak ba, pathau khan hu ba mai jao atau dom jabat karja rahra pataom mek hu. Dalam 3 thun blaoh tapa, labik ini daong hu saong jeng ye palao tame Lung Ngọc Hoàng labaih 3.000kg dom janih anek athur glai, dalam nan rilo abih hu lac ula, kara, ciim … Ong Trần Bé Em – Labik khik caga alam langik tasik Lung Ngọc Hoàng brei thau:
“Yaok thun ye dom jabat karja pataom mek hu dom janih athur glai oh mbuan si mboh si duah jeng ye nyu jaik si lahik abih. Khol dahlak hulin hu kuhria gilac janih halei daok dalam janih hu suai lavik di bhum taneh ini ye khol dahlak hulin daong ka nyu khang kadang blaoh brei palao tame glai, daok dom janih halei bo oh njauk athur hu suai lavik di bhum taneh ini ye urang pasang iek glai pambuak haong dom labik karei piah ba nao raong di labik njauk lagaih di nyu?
Langiu di nan, dom janih phun kayau hu suai lavik di bhum taneh ini min nyu daok takik, bruk njauk takre abih ngan haong tuai damuai mai jirah rivang di ini lac bruk raong glang rilo janih anek athur yau ye baya, càng đước, klan taneh, klan bingu jeng ye anek klan karei…., dalam nan hu baya tano trak labaih 300kg saong 2 drei baya binai trak meng 180-200kg/drei. Sa-ai kamei Lê Thị Hiền daok di xa Tân Phú Thạnh, huyen Châu Thành A, tinh Hau Giang tuk mai jirah rivang bein ini chreih chrai brei thau:
“Dahlak hulin nao jirah rivang rilo labik di bhum Taneran kraong Cuu Long ini, min oh ka mboh di halei hu baya praong jang yau ye anek baya di Lung Ngọc Hoàng ini. Labik ini daok raong glang, khik ramik rilo janih anek athur glai kan si mboh, labik, thaik thaot jeng biak sron mbon, gheih mekre. Dahlak hulin sahneng meyah di ini patagok gah jirah rivang ye biak dui pachreih hu rilo tuai damuai mai jirah rivang.”

Gam hu sa labik sron mbon, thaik thaot gheih mekre, gam haong rilo phun kayau athur glai, Bein pala rilo phun kayau saong labik daong anek athur glai di Lung Ngọc Hoàng daok peih tabiak kein lagaih praong ka bruk patagok gah jirah rivang sinh thai di ini. Meyah hu buh jien tame njauk, Lung Ngọc Hoàng oh lac patui veik khik kajap bruk “hala suot hijao” di bhum Taneran kraong Cuu Long, blaoh nyu daok jeng labik dui pachreih, daong bol bhap rahra paglaong ilamo pacang khik alam langik tasik saong khik ramik labik diuk ka rairah harei hadei./.
Viết bình luận