Meng lavik mai, dom labik daok patagok bruk ngak jirah sinhthai, ba mai ralo chreih lagaih brei ka bhum Taneran Kraong Cuu Long. Min pambak tame kraong ia puh cakak piah ngak jirah oh daok lagaih tui rai diuk jaman bahrau. Dom bhum palei daok thau mek janih ilamo meng kal mai, pagam pambuak saong janih jirah karei piah paralo janih jirah di bhum palei jirah “taneh samilan anek girai” pok chraok par.

Thun 2024, jirah Taneran Kraong Cuu Long mek hu ralo baoh saim gam tui labaih 52 trieu mbang urang tuai damuai mai jirah; jien mek tame brei ka gah jirah dalam bhum hu labaih 62 ribau ty dong. Dalam nan, ban raya Can Tho taong yaom mboh hu labaih 6,3 trieu mbang tuai damuai jirah, jien mek tame hu yaom labaih 6.226 ty dong. Langiu di labih jirah bak dom ilamu “kraong ia”, dom inem mek jarah yau ye Kalan yang Po Hùng, sang meng kal Bình Thủy atau dom labik nao tabak nao kakai Ninh Kiều, pasar darak malam gam saong ndap nda mbang pachreih hu ralo tuai damuai jirah.

Tinh Dong Thap ngak siam dalam bruk mek kaya ngui ndap nda brei ka jirah yau ye dom palei ngak: palei bangu Sa Đéc, palei ngak meng tangin thu cong, palei kaya mbang huak. Di tinh An Giang, dalam 9 trieu mbang urang tuai damai jirah meng thun blaoh, hu bau tal dom labihk jirah hu angan yau ye: Labik jirah ceik Cấm, Labik inem krung Chu tich Tôn Đức Thắng, gilang mieu Muk Nagar Chúa Xứ Núi Sam, palei Cam Châu Phong Bhum Soai… Urang roh duah ilamu brei thau lac, di Taneran Kraong Cuu Long, oh lac hu sa janih jirah sinh thái “kraong ia, beih cakak”, blaoh daok hu ralo janih kaya ngui brei ka jirah. Dom kaya ngui mai meng tasik, pulao, inem krung jarah, ilamo gam saong dom yaom ilamo ralo janih di bhum palei dak harei dak ba tagok.

Mada oh daok pambak tame sa janih “kraong ia puh cacak” yau dalau, min, bruk paralo dom janih jirah di gah Taneran Kraong Cuu Long daok gal ralo labik. Hu salih bahrau, pahadah min jeng daok sit saot, daok ralo ngak tui hatai oh ka njauk ngak tui danak dak brei dahlau brei atah dhua. Dom labik ngak jirah oh ka pambuak gauk khang dalam bruk ngak mbang jirah rivang saong dom kongti yulit, lu hanh piah hu danak tour, talei jirah, daok tamuh bruk “nao sa labik tinh, thau abih bhum praong”. Ngak jirah daok tui hatai khin, ok ka thau yaih praong dom labik jirah di mang xa hoi, di dom intenet rayak langik praong.

Dom palei ngak bruk meng tangin ngak tui ilamo mukkei tukik urang caik hatai piah khik ramik, patagok nyu, ralo palei ngak bruk meng kan dang anak lahik tayah. Oh hu cara kadha piah ieik glang lagaih siam. Daok ralo danak dak brei ka jirah oh hu buh prein buh jien ngak, ralo danak dak daok suai peih ngak. Langiu di pulao Phú Quốc (tinh Kien Giang), Bhum Taneran Kraong Cuu Long oh ka hu labik jirah mei-n iek praong …

Piah ka jirah di Taneran Kraong Cuu Long dak harei dak ralo janih siam makre dui pachreih ralo urang mai jirah di tukvak meng anak, dom labik ngak caik hatai pilih ruah paralo janih jirah, patagok janih ilamo bhum palei, padang jeng labik jirah gheih makre ka labik di drei. Daong lagaih ka urang ngak mbang blei salih brei ka gah jirah gah patagok kaya kan jirah bahrau. Kham marat, caik hatai dang tame ngak jeng bruk pambuak gauk ngak mbang pachreih patagok gah jirah jeng ye pambak dalam bhum jirah.

Njauk caik hatai brei ngak ka sampurna brei ka hukum adat ngak mbang ka cambaic laic dan saong hu patacei, ba ngak ba pambuak bhum Taneran Kraong Cuu Long piah patagok jirah siam makre. Oh sa janih pambak tame karja haong karja blaoh daok tapa jalan hukum adat ka nyu siam dalam bruk ngak mbang njauk tui hukum nagar. Njauk hu bruk pambuak saong darak pasar, pambuak urang ngak mbang blei salih saong gauk, urang ngak gah jirah, jabat dak vah khao tin, prai yaih binguk thaot, angan jie jirah.../.