Ong Lý Nàm Sáng hadar gilac, baoh sang di ong jeng oh ka thau pilih ruah saong patagok dom janih phun pala yau habar, jeng hu tuk mada kaoh klak phun kophi salih tapa pala phun panat saong dom janih phun mbang baoh karei. Dom thun jaik ini, sang ong buh jien tame pala dom phun mbang baoh brei yaom kaom kinh te glaong yau ye: mbe oh hu angan, mbe 34, durian Siam. Gam haong di nan brie buh tame labaih 2 hecta taneh pala patei pablei tabrak ka darak pasar langiu negar.

Oh lac sa janih nao dahlau bruk salih phun pala, sang ong Sáng daok ba hatai pandar ilamo ngak kong pakat glaong tame bruk ngak mbang yau pah mayao mayit jitvu ndap nda jamraik par oh hu manuac peih dalam bruk pruh jru pacang khik phun sangka phunpala. Meng bruk naih joi gah ilamo pala, sangka, pamatai halak haling, dom bein phun mbang baoh hu angan di sang ong brei baoh rilo, baoh bangi praong siam. Tui ong Sáng, piah mek hu siam lagaih brei ka yaom kom kinh te glaong meng dom janih phun hu angan, ong daok pandar ilamo jamraik sangka piah phun brei baoh samar drah, pablei hu yaom glaong, patakik gaok bruk lahik yaom. Tari taring dalam bruk ngak mbang jeng lac jalan ngak jak jeng di sang ong Sáng.

Ong Trần Xuân Long, Akaok Kapul Urang ngak nong daok di xa Phú Vinh dahlau diah, taong yaom lac, diuk pasang ong Lý Nàm Sáng gam ieu lac urang pablei salih naih, gam lac urang ngak nong joi tuk ba drei dang ngak dahlau bruk salih dom janih phun pala brei siam lagaih kinh te glaong. Ong Sáng lac urang daok dalam Kapul pambuak bruk ngak nong di bhum palei, srap gap neh rabha ilamo, daong rilo urang ngak nong ba gauk patagok bruk ngak mbang.

Kadai pablei salih ndap nda kaya ngak nong di sang ong Lý Nàm Sáng daok di jalan huyen 120 (angan ieu dahlau diah) hu peih ngak hu labaih 30 thun ini. Ini lac bruk njauk je tame di rahra di bhum palei tuk njauk brei dom ndap nda kaya ngak nong meng khak drak tal dom janih pajaih, jru pamatai halak haling… Bruk pambuak di baoh sang ong haong rahra dalam bhum pagam haong gauk kayua kadai srap gap ka mikva blei ndap nda kaya, tal tuk yuak paih pablei blaoh ka meng bayar jien. Ong brei thau: “Kadai oh sa janih pablei ndap nda kaya ka urang ngak nong blaoh daok pato tacei bruk pandar ndap nda habar ka njauk saong siam lagaih. Than drei lac urang ngak nong yau nan ye tuk halei jeng hu hatai klah rabha brei ka mikva ilamo sangka, taong ruak di phun pala”.

Ong Trần Xuân Long Akaok Kapul Urang ngak nong xa Phú Vinh dahlau diah brei thau, sang ong Sáng tuk halei jeng hu hatai rik daong rilo ka dom danak dak di bhum palei, rilo meng lac dalam bruk padang palei pala bahrau. Yaok thun, sang ong Sáng tuk halei jeng srap gap rik daong jien ka dom danak dak blei ngak pahla ngak phon, alin radaih juak, jien pachreih bac ka anek saih kathaot, chreih takre bac di bhum palei. Baoh sang ong daok rik daong jien rilo, kaoh taneh alin brei dalam bruk ngak jalan mbak palei pala. Tok dalam bruk peih praong jalan huyen 120 dahlau diah, baoh sang ong hu alin labaih 2 ribau met vuong taneh, rik daong yaok pluh trieu dong dalam bruk rahra rik daong jien ka jalan mbak palei pala. Diuk pasang ong Sáng daok lac urang halan tian tuk halei jeng srap gap hatai rik daong jien ka dom danak dak di Kapul Urang ngak nong xa dalam dpm danak dak, bruk ngak…/.