Ong buh jien tame ngak sa danao ia taba ngan haong jalan nding hu jamraik njuk ia bahrau piah pruh ia di bilan thu

Ong Nguyễn Văn Thơi (umo 70 thun) meng bhum taneran tagok bhum taneh Vĩnh Bửu, Tân Hưng, Long An ngak mbang meng dom thun 80. Bhum taneh tapen negar ni tuk camriep oh pala drak hu, oh hu điện, oh hu ia pandar, min ong haong dom urang nong karei jeng khang hatai daok veik.

Oh huac kan kandah, ong ba tangin tame ngak pasiam bhum taneh njom likhun piah pala padai, pala njam patam saong pala iek dom janih kaya nong karei karei. Dom thun camriep, raidiuk sang ong gaok biak rilo kan kandah kayua ia sua, anek takuk, anek katot kaik palai bhum taneh Đồng Tháp Mười ni.

  Thun 2000, ong Thơi trun Tân An, blaoh tabiak tal Hà Nội piah bac magru ka bruk pachreih nong, pandar ilamo kỹ thuật piah pala padai 2 vụ. Hatai caong oh lac pala drak piah pablei padai brah dalam negar bo daok caong pablei tabiak negar langiu, pablei hu yaom glaong, ong Thơi pandar pajaih padai bahrau OM18, ngak tui jalan 3 trun 3 tagok, meng nan yaok thun ba mai jien tame 2 mbang hu labaih 2 tỷ đồng. Ong Thơi chreih chrai khan lac: “Drei haong mikva ba gauk ngak, hadei di nan mboh bruk ngak di drei nan ye bac ngak tui. Drei jeng pato ye ba mai kein laba jang 50% tal 70% dut saong dahlau. Pagap yau dahlau deih năng suất 5 tấn ye urak ni tagok 7 tal 8 tấn sa ha sa vụ. Jien buh tame dahlau deih lac labaih 10 triệu, urak ni daok 8 triệu sa ha, trun hu biak rilo jien buh tame ka bruk pala padai.”

Jak jeng meng pandar ilamo kỹ thuật bahrau, ong Nguyễn Văn Thơi hu ba sang di drei yam tagok tabiak truh kan kathaot saong jhul khang bruk ba ilamo tame mblang hamu..

Thun 2005, ong Thơi khang hatai masraiy jien blei sà lan Cobe, jamraik kuac ngak pasiam taneh, kuac haluk pok paglaong ar pacang. Ong daok buh jien tame ngak sa danao ia taba ngan haong jalan nding hu jamraik njuk ia bahrau piah pruh ia di bilan thu, caga bilan pandiak ia mbak njom tame, pala veik panat saong pa-ok. Bruk njauk pok mayaom nan lac ong abih hatai pato veik ilamo saong tacei ilamo công nghệ ka bhap bini gaok kan kandah hu mbaok tame pala drak piah cak rok patagok kinh tế. Ong Đào Hồng Ửng, urang nong daok di Vĩnh Đại, Tân Hưng, Long An brei thau: “Tukvak tapa, rilo mikva gaok kan kandah, cei Tám Thơi hu pandap panda, tal bilan yuak ye cei daong ka rilo mikva. Hu jien ye biyar, oh hu ye cei daong,  atau yuak blaoh hu jien biyar jeng hu. Dom urang hu cei daong urak ni hu ginup, meda, dom urang nong kan kathaot dalam palei hu cei daong urak ni oh daok kan kathaot”

Tuk karja huyện Tân Hưng, tỉnh Long An hu sarak peih praong jalan nao mai di palei Kênh Lộ Ngang pambuak haong bhum Long An - Đồng Tháp, ong Nguyễn Văn Thơi halain hatain alin jaik 1,1ha taneh di sang drei. Dom mblang taneh ong alin ka palei hu yaom biak glaong, daok ngak padai saong pala phun mbang baoh min ong oh ndok biyar jien. Lingiu di nan ong daok ba akaok nao dahlau dalam bruk jak ba mikva hu mbaok tame, sa tangin haong karja palei.

Meng bruk rik daong di dom urang nong hu angan je yau ong Thơi bo bhum tapen negar Vĩnh Đại, Vĩnh Bửu huyện Tân Hưng urak ni hu hadah hadai tagok ngan haong dom jalan hu tuh nhựa, bê tông samu, tapak, dom baoh sang praong, siam haong dom mblang hamu that mekre hu pandar jamriak dak harei dak rilo. Rilo thun gam ong hu pok angan lac urang nong angan je di tỉnh Long An saong di Kapul urang nong pakat negar. Ong jeng hadah mbaok meta hu taduan harak mayaom di Thủ tướng rajaei kayua dom rik daong ka bruk pachreih nong di palei negar./.

Urang lang: Thu Thảo – 15/03