Bêl xa nul âng ađhêr chr’va k’rơ năc xay p’căh hân noo ch’noọng ơy tước, pr’họm bhrôông bhrang, ang or âng phượng hồng năc dưr chơh bấc ơl tr’lúc đh’rưah lâng axậ t’viêng, ahêê năc ha dzợ bơơn lêy… C’xêê 6 năc ơy tước. C’xêê 6 tước năc đơơng âng p’rang puyh paih âng hân noo ch’noọng, năc công bhrợ t’vaih rau ng’hay âng hân noo tr’pác. Rau đêêc năc âng t’clăh bha ar lưu bút xrặ đơơh hân, năc đợt t’dzơợt đác mát hay apêê pr’zớc, lâng âng bh’rợ tr’coóp têy tr’hay bêl tr’pác căh kiêng gluh n’đăh trường chăp dêr âng đay ơy ăt học.

T’ngay đâu, năc ng’đớc pr’hát xa nul bhrợ t’clăh vé bhuông đơơng âng ahêê chô ooy cr’chăl liêm pr’hay pa bhlâng, zr’lụ vêy apêê pr’zớc liêm crêê, pr’ắt bh’rợ âng thầy trò chr’năp pr’hay lâng muy cr’chăl đha đhâm c’mor căh choom ng’ha vil.