VOV4.Jarai - Mơ̆ng hrơi blung a akŏ thun phrâo Giáp Thìn 2024, lu anom bơwih ƀong ƀơi ƀôn prong ba sĭ hơdôm mơta gơnam blung a pơ dêh čar tač rơngiao akŏ thun phrâo.

VOV4.Jarai- Mơguah lơ 16/2, Khua dêh čar Phạm Minh Chính git gai jơnum lok 9 khul git gai dêh čar hơdôm ring bruă, akŏ bruă phun dêh čar, bruă phun mơng gơnong bruă wai lăng jơlan glông.

VOV4.Jarai – Mơguah lơ 16/2, Trung tướng Thái Đại Ngọc, Khua pơtrun bruă Quân khu 5 hmâo nao čuă, hơ-ưč hmưi mơnuih mă bruă, tơhan ƀat tô ƀôn prong Đà Nẵng hmâo ngă giong klă laih bruă jao dô̆ gak amăng tal Tết Giáp Thìn.

VOV4.Jarai - Tlam lơ 15/2, amăng hơdôm hrơi blung a tơdơi kơ hrơi pơdơi ƀong tê̆t, Khua dêh čar Phạm Minh Chính nao čuă, pơ alum pran jua mơnuih ngă hmua ƀơi tơring čar Hải Dương.

VOV4.Jarai – Mơguah lơ 15/2, Khua git gai wai lăng pơ ala mơnuih ƀôn sang dêh čar ta Vương Đình Huệ hmâo bưp ƀô̆ mơta khua git gai, mơnuih apăn bruă, mơnuih mă bruă čar, mơnuih mă bruă gah Pel ĕp prăk mă yua mơ̆ng Kơnuk kơna.

VOV4.Jarai - Mơguah tom brơi 15/2, (hrơi tal 6 tết), anai lĕ hrơi blung a tơdơi kơ hơdôm hrơi pơdơi ƀong tê̆t tui phiăn juăt thun 2024, Khua dêh čar Phạm Minh Chính git gai jơnum tui tơđar Kơnuk kơna kiăng lăng glăi hơdôm hrơi ngui čơkă thun phrâo Giáp Thìn 2024 hăng pok pơhai hơdôm bruă jao akŏ phun tơdơi kơ tê̆t.

VOV4.Jarai – Găn rơgao ha tal blang wang, pơwot glăi hăng tơlơi hơdip rim hrơi, ƀing ling tơhan hơđăp tơring čar kual čư̆ siăng Yên Bái djă măng pô pran jua hur har, khin pơmin, khin ngă, gơgrong pô hrưn đĭ amăng tơlơi hơdip mơda, ngă pơdrŏng kơ drơi pô hăng djru pơdŏng plơi pla jai hrơi jai pơdrŏng asah klă hiam.

VOV4.Jarai – Mơguah tom brơi (15/2) ƀơi tơring čar Tuyên Quang, Khua mir sir dêh čar ta Võ Văn Thưởng pok phun Tết pla kyâo “Hơdor na nao kơ Wa Hồ” bơyan bơnga Giáp Thìn 2024.

VOV4.Jarai – Ƀrô djơ̆ tal akô̆ Bơyan bơnga thun phrâo, mơguah tom brơi (15/2), ƀơi Sang mă bruă Khua pơ ala mơnuih ƀôn sang, Khua git gai wai lăng pơ ala mơnuih ƀôn sang dêh čar ta Vương Đình Huệ bưp ƀô̆ mơta hơ-ưč hmưi Tết ƀing khua git gai, ƀing Khua pơ ala kơ Khua pơ ala mơnuih ƀôn sang dêh čar gơgrong bruă gah dêh čar hăng mơnuih mă bruă mơ̆ng Anom bruă Khua pơ ala mơnuih ƀôn sang dêh čar ta.

VOV4.Jarai-Lơ 14/2, ƀơi plơi prong Vũng Tàu, tơring čar Bà Rịa Vũng Tàu, Khua tơhan sơlup kual 2 tơhan ia rơsĭ hrŏm hăng djop sang bruă kơnuk kơna, khul ling tơhan dŏ mă bruă ƀơi Long Sơn pơphun jơnum, bơyan phang Tết pla kyâo hơdor na nao kơ Wa Hồ, kiăng čơkă mơak, anăp nao hơdor glăi thun Khua mir sir Hồ Chí Minh pơphun bruă sit truh têt pla kyâo kiăng hơmâo tơ-ui mơtah mơda thun 1959-2024, laih anun hluai tui hơdră kơnuk kơna pơtrun pla 1 klai phun kyâo yua kơ sa boh lŏn ia Việt Nam mơtah mơda, Khua dêh čar pô pơtrun ngă.