VOV4.Jarai-Tê̆t tui phiăn juăt Giáp Thìn jê̆ giăm laih. Hrơi anai lơ 29 tê̆t, rĭm čô mơnuih, djop sang anŏ glăk prap lui čơkă thun phrâo tum jơngum, yâo mơ-ak. Hơmâo lu mơnuih lơm hơdor glăi hrơi ƀong tê̆t, amra hơdor hloh kơ hrơi mông prap lui dik dak mơ-ak, hăng pran jua hur har mơ̆ ngă lu mơnuih hok kơdok amăng hơdôm hrơi giăm tê̆t. Ƀing tha rơma prap čơkă ƀing ană tơčô, ƀing ană bă ataih mơng plơi pla prap pot glăi; ƀing čơđai muai dŏ tơguăn ƀong ƀañ tek, buh sum ao phrâo; djop sang anŏ rơmet pơgaih sang, rôk jơlan, dưm dăp kyâo pơtâo, bơnga hiam, djop mơta brơi agaih rơnăk hloh amăng hrơi ngui tê̆t. Hăng pran jua hur har anun pơdah amăng lơ 29 tê̆t yôm phara mơng rĭm čô mơnuih.

VOV4.Jarai-Ƀrô čơkă têt thun phrâo Giáp Thìn 2024, Khua git gai pơ ala mơnuih ƀôn sang dêh čar Vương Đình Huệ hăng grup khua mua pơ ala Jơnum min apăn bruă phun pơ ala mơnuih ƀôn sang dêh čar, djop sang bruă gah anom bruă pơ ala nao čuh ñang h’ŭ kơ Khua mir sir Hồ Chí Minh ƀơi sang mrô 67, Anih anom gru grua Khua mir sir Hồ Chí Minh amăng Anom khua mir sir.

VOV4.Jarai-Ƀơi sang bruă Khua ding jum pơtom hiăp, Kơ-iăng khua ding jum, Lê Thị Thu Hằng hơmâo tŭ jum Khua đăo Khop, Marek Zalewski, pơ ala kơ Vatican blung a ƀơi Việt Nam.

VOV4.Jarai – Ƀrô djơ̆ tal Tết Giáp Thìn 2024, mơguah lơ 6/2, Kơ-iăng Khua git gai wai lăng pơ ala mơnuih ƀôn sang dêh čar ta Nguyễn Đức Hải hrŏm hăng Grŭp hyu mă bruă nao tuĭ ñang ƀơi Kual hơdor pioh rơgom ơi Võ Chí Công Khua khul pơ ala mơnuih ƀôn sang Kơnuk kơna ta; čuă jơmư tơña bla, hơ-ưč hmưi Tết hăng ƀơk gơnam tam sa dua bôh sang anô̆ gah hơdră bruă ƀơi tơring čar Quảng Nam.

VOV4.Jarai - Lu mơnuih mă bruă hơmâo kỹ sư, kông ñơn glăk mă bruă ƀơi hơdôm anih man pơkra jơlan rơdêh đuăi hmar Khánh Hoà-Buôn Ma Thuột, ƀing gơñu amra mă bruă amăng hơdôm hrơi ƀong tê̆t mơtăm kiăng pơhlôm man pơkra djơ̆ hrơi mông pơkă.

VOV4.Jarai – Khul hlăk ai tơring čar Dak Lak gum hrŏm hăng anom bruă djru gum ƀơk hơdôm rơtuh anung gơnam kơ mơnuih ƀun rin ƀơi plơi prong Buôn Ma Thuột.

VOV4.Jarai – Čơtlăm lơ 5/2, Khua dêh čar ta Phạm Minh Chính hmâo nao čuă Anom bruă tơhan polih wai lăng rô nao rai, Ding jum kông ang hăng hơ-ưč hmưi Tết, pơsur mơnuih apăn bruă tơhan, tơhan wai lăng bruă rô nao rai ƀơi jơlan glông đơ đam dêh čar.

VOV4.Jarai - Mơguah lơ 5/2, Khua dêh čar Phạm Minh Chính git gai Jơnum mă bruă hăng Jơnum min wai lăng rơnoh yua Kơnuk kơna ƀơi anom bơwih ƀong sĭ mơdrô hăng 19 grup, kông ti phun amăng pok pơhai bơwih ƀong, sĭ mơdrô thun 2024 hăng pơtrut kơtang tuh pơ alin pơđĭ kyar bơwih ƀong huă-mơnuih mơnam.

VOV4.Jarai-Bơyan phang ƀơi bul pơtâo Trường Sa ñu phara biă mă pơkă hăng hơdôm anih pơkŏn amăng dêh čar Việt Nam. Têt jơngum sang anŏ dŏ ber hrŏm mơak mơai,…samơ̆ hăng ƀing tơhan sơlup dŏ amăng kual ia rơsĭ, têt jing mông lăp hơdor pioh biă mă, jruh ia mơta mah tơdăm tơhan phrâo mut, lăng kơ ƀô̆ mơta ƀing khua tơhan, sit lăng glăi rup sang anŏ gơñu djă ba dưm ƀơi akŏ sưng pit đih. Hloh kơ anun, têt hăng ƀing tơhan dŏ mă bruă pơ anih ataih, wai pơgang guai dêh čar lăp pơ-ư ang, hăng tơngan khom djă kjăp phao kơtuang kiăng pơgang rơnuk rơnua amăng kual ia rơsĭ, kual adai rơngit dêh čar, brơi tơlơi mơak sa bơyan bơnga amăng dêh čar plơi pla pơ lŏn hang.

VOV4.Jarai – Mơguah lơ 5/2, ƀơi Hà Nội, Khua mir sir dêh čar ta Võ Văn Thưởng nao čuă, pel ĕp bruă dô̆ gak, prăp lui pơgang hăng hơ-ưč hmưi Tết khua mua tơhan, ling tơhan Ƀirô pơtrun bruă tơhan polih hơdeč hmar ƀrô djơ̆ tal čơkă bơyan bơnga Giáp Thìn 2024.