VOV4.Jarai – Tom brơi lơ 14/2 (lơ 5 Tết Giáp Thìn), bah amăng guai Tân Thanh hăng bah amăng guai jar kơmar Hữu Nghị (tơring čar Lạng Sơn) sit nik mă bruă glăi laih tơdơi kơ 4 hrơi pơdơi Tết.

VOV4.Jarai – Mơguah lơ 14/2, Khua git gai Ping gah ƀôn prong Hà Nội Đinh Tiến Dũng, Khua Jơnum min mơnuih ƀôn sang ƀôn prong Hà Nội Trần Sỹ Thanh hăng ƀing khua mua plơi prong hmâo nao tuĭ ñang ƀơi mông jơnum ngui Gò Đống Đa 2024.

VOV4.Jarai – Jơlan hơdră pơkă mơ̆ng lŏn ia kơ pơdŏng plơi pla phrâo pơjing pran pơhmăi kơtang ƀơi djop hơdôm bôh plơi kual Dap Kơdư. Ƀu djơ̆ kơnong kơ djru ƀô̆ mơta plơi pla pơplih phrâo ôh mơ̆ ñu dô̆ djru pơplih klă amăng hơdră pơmin, hơdră ngă hăng pơdŏng tơlơi hơdip mơda phrâo mơ̆ng mơnuih ƀôn sang ƀơi kual asuek, ataih, kual djuai ania ƀiă. Ƀơi tơring čar Lâm Đồng, khă tơlơi hơdip mơda bơwih ƀong mơnuih ƀôn sang dô̆ tơnap tap samơ̆ kơnang kơ thâo ngă tui pran kơtang gum hrŏm hơbit djuai ania, bruă gum tơngan hrŏm pơdŏng plơi pla phrâo hmâo ba glăi laih lu bôh tơhnal lăp djă pioh.

VOV4. Jarai-Kual Dap Kơdư lĕ anih anom dô̆ hơdip mơda mơ̆ng lu mơnuih lĕ djuai ania ƀiă hmâo bôh thâo lu mơta, pha ra. Anai ăt lĕ kual lŏn hmâo ayuh hyiăng rơ-ơ̆, glai klô hmâo lu mơta ra mơnong, bôh thâo đưm pha ra, lu gru grua, kông ngăn pioh glăi. Hơdôm tơlơi anai pơjing rai anô̆ gal prong biă, pha ra ha jăn amra pioh pơđĭ kyar djop mơta pioh tuai čuă lăng bôh thâo đưm, plơi pla, glai klô.

VOV4. Jarai-Kual Dap Kơdư, hăng phiăn juăt Sông kơtang, pran jua mut hrŏm kơjăp phik, neh wa djop djuai ania ha pran jua dơlăm hăng Ping gah, hăng Wa Hồ kiăng khăp.

VOV4.Jarai

VOV4.Jarai – Găn rơgao thun 2023 bă kơ tơlơi tơnap, tơlơi lông, hơdôm bôh tơring čar Dap Kơdư hmâo laih gru rơđah amăng pơđĭ kyar bơwih ƀong mơnuih mơnam. Anun lĕ tơlơi truh kih bruă ngă đang hmua hăng hơdôm phun pla ba jơlan hlâo kah hăng kơphê, tiu, sầu riêng leng kơ hmâo prăk pơhrui glăi lu; jing tơlơi hơkrŭ glăi mơ̆ng gơnong bruă tuai čuă ngui hăng hơdôm bôh than mơ̆ng hơdôm tơlơi jơnum ngui bôh thâo đưm djop djuai ania ƀiă ƀơi Dap Kơdư. Pơphun thun 2024, hơdôm bôh tơring čar amăng kual leng kơ hmâo kual pơkă abih bang truh thun 2030 tơhnal lăng nao truh thun 2050 dưi hmâo Khua dêh čar pơsit, jing gru than pioh hrưn đĭ kơjăp kơtang.

VOV4.Jarai - Bơyan bơnga Giáp Thìn truh laih hăng ia iŏm mơtah hiam mơ̆ng phun kyâo boh troh, bơnga hiam ƀhêm bluh đĭ bang amăng glai klô. Lŏn tơnah, ană mơnuih mut hrŏm ngă pơhưč pơhač pran jua hăng hơdôm tơlơi pơplih ƀơi plơi pla. Thun ania čơgrai ba glăi tơlơi kơtưn, tơlơi čang rơmang truh kih phrâo, găn rơgao tơnap tap, lông lăng, akŏ pơjing lŏn ia plơi pla pơdrong sah.

VOV4. Jarai- Djop pưk sang, abih bang mơnuih hơmâo ƀong têt mơak soh, djop gưl khul grup mut phung hăng gong gai kơnuk kơna djop tơring čar kual Dap Kơdư hơmâo pioh lu mông đing nao kơ mơnuih ƀôn sang ƀong têt, biă mă ñu hơdôm sang anŏ kơnuk kơna djru, mơnuih hơmâo ngă bruă hơkrŭ đưm, ƀing tha rơma, sang anŏ ƀun rin, giăm ƀun rin, mơnuih mă bruă apah dŏ tơnap tap, ƀing ƀu hơmâo anih ưh kơnang amăng mơnuih mơnam…sang anŏ mơnuih djuai ƀiă, plơi pla giăm guai dêh čar dưi tŭ mă tơlơi djru ƀong têt Giáp Thìn thun 2024 trơi pơđao, yâo mơak hloh.

VOV4.Jarai – Hăng hơdôm tơlơi gir run mơ̆ng hơdôm gưl, hơdôm gơnong bruă, hơdôm rơwang bruă tuh pơplai bruă hrŏm ƀơi kual Dap Kơdư hmâo laih tơlơi pơplih kơtang tit yap mơ̆ng rơnuč thun 2023, biă ñu jơlan nao rai. Wot hơdôm rơwang bruă bưp lu tơlơi tơnap hloh, ăt hmâo tơlơi pơplih mơn gah rơnoh, pioh hơdôm bôh tơring čar mơ̆ng plơi prong truh plơi pla, hmâo dong hơdôm glông jơlan phrâo, hơdôm bôh tơdrông tua phrâo, tô nao rai hơdôm ară jơlan phun bơwih ƀong, rŭ tơgŭ tơhnal gal pơđĭ kyar amăng thun 2024 hăng hơdôm thun tô̆ tui.