VOV4.Jarai-Rơbêh kơ 1 wŏt hrơi tơjuh dong lĕ truh tê̆t Giáp Thìn, anom bruă git gai ling tơhan wai pơgang guai tơring čar Dak Lak hơmâo ngă hăng glăk git gai hơdôm puih kơđong tơhan, anom bruă pơtô hrăm - blah hơdeč pơpha ling tơhan hăng prap lui bruă wai pơgang rơnuk rơnua ƀơi guai lŏn ia, pơgăn hơdôm bruă sĭ mơdrô ča čot hăng kơdong glăi ƀing mơnuih ngă soh rôk jơlan guai kiăng pơhlôm brơi mơnuih ƀôn sang čơkă thun phrâo mơ-ak mơ-ai.

VOV4.Jarai- Amăng hơdôm hrơi anai, hơdôm hơpluh čô kông ñơn glăk man pơkra drông war rông hlô ƀơi tơring glông Chư Pưh, tơring čar Gia Lai ăt glăk dŏ tơguăn prăk apah yua arăng dong lui sui laih. Tết jê̆ giăm laih, ƀing kông ñơn ăt bơngŏt mơn, samơ̆ ƀing tuh pơ alin hăng anom bruă man pơkra ăt aka ƀu apah prăk kơ ƀing kông ñơn.

VOV4.Jarai-Mơguah tom brơi (1/2), ƀơi Hà Nội, Khua mir sir Võ Văn Thưởng nao čuă, mă bruă hăng grup tuh tia pơkra ming hăng dăng kông ling tơhan (Viettel).

VOV4.Jarai – Mơguah tom brơi (1/2), Khua dêh čar ta Phạm Minh Chính git gai mông jơnum Gong gai dêh čar Blan 1 – blan blung a thun 2024 pioh đing nao bơkơtuai bruă bơwih ƀong – mơnuih mơnam blan 1, pơsir prăk mă yua bruă hrŏm, 3 jơlan hơdră pơkă mơ̆ng lŏn ia hăng hơdôm tơlơi črâo ba phun pơ̆ anăp.

VOV4.Jarai - Tlam tom brơi (31/1), ƀơi Hà Nội, Đại tướng Tô Lâm, Ding kơna ding jum kơđi čar, Khua apăn bruă Ping gah Kông ang, Khua ding jum kông ang git gai jơnum lăng glăi bruă ngă tui hơnong pơkă tui tơlơi pơtrun mơng Ping gah kông ang gơnong glông hăng tŏ tui pơtrut kơtang amăng pơjing kông ang să, tơring kual djơ̆ hăng tơlơi rơkâo, bruă jao amăng rơnuk phrâo.

VOV4.Jarai - Tlam lơ 31/1, ƀơi Hà Nội, Khua dêh čar Phạm Minh Chính nao čuă, pơpŭ thun phrâo ƀơi Sang hră gưl prong gru grua adôh suang ling tơhan.

VOV4.Jarai – Čơtlăm tom brơi (31/1), ƀơi plơi prong Yên Bái, Khua git gai wai lăng pơ ala mơnuih ƀôn sang dêh čar ta Vương Đình Huệ nao čuă, hơ-ưč hmưi Tết mơnuih apăn bruă tơhan, ling tơhan Trung đoàn Tơhan rơdêh por 921, Sư đoàn 371, Tơhan pơgang rơhuông adai – Tơhan rơdêh por ƀrô djơ̆ Bơyan bơnga phrâo Giáp Thìn 2024 hăng hơdor glăi 60 thun Hrơi phiăn juăt mơ̆ng Trung đoàn (3-2-1964 / 3-2-2024).

VOV4.Jarai-Tơring čar Kon Tum hlăk gir run pok pơhai ngă tui lu hơdră kiăng pơgăn tơlơi rơngiă rơngiom kông ngăn lŏn mơnai hăng khom duh jia djop amăng bruă mă hyu mă čuah rơga amăng ia krông pioh sĭ mơdrô.

VOV4.Jarai-Ƀrô tal khua mir sir dêh čar Philippines, Ferdinand Romualdez Marcos Jr. čuă jơmư sit nik gưl kơnuk kơna rai pơ Việt Nam, tom brơi, lơ 30/1, Khua dêh čar Phạm Minh Chính hăng Khua mir sir Philippines git gai hrŏm jơnum hăng ƀing ngă bruă sĭ mơdrô ba gru hlâo dua bơnah dêh čar Việt Nam-Philippines.

VOV4.Jarai-Mơguah lơ 30/1, ƀơi Anom bruă Kơnuk kơna, Khua dêh čar, Phạm Minh Chính tŭ jum Khua mir sir dêh čar Philippines, Ferndinand Romualdez Marcos hlăk rai čuă jơmư gưl kơnuk kơna Việt Nam.