VOV4.Jarai – Mơguah lơ 30/1, tơdơi kơ ngă Lơphet čơkă gưl Kơnuk kơna ƀơi Anih mă bruă Khua mir sir, Khua mir sir dêh čar ta Võ Văn Thưởng hmâo laih bruă bơkơtuai hăng Khua mir sir dêh čar Philippines Ferdinand Romualdez Marcos Jr.

VOV4.Jarai – Tom brơi (30/1), Jơnum min djop djuai ania mơnuih mơnam dêh čar Việt Nam tơring čar Dak Lak pơphun jơlan hơdră “Bơyan bơnga plơi pla”, bưp ƀô̆ mơta mơnuih dêh čar ta dô̆ pơ̆ dêh čar arăng hăng sang anô̆ glăi plơi čơkă Tết tui phiăn juăt Giáp Thìn 2024.

VOV4.Jarai-Lơ 29/1, Khua Jơnum min djop djuai ania mơnuih mơnam Việt Nam,Đỗ Văn Chiến nao čuă, ƀơk gơnam têt kơ sang anŏ ƀun rin, mơnuih mă bruă apah sang anŏ tơnap hăng lu sang anŏ hơmâo kơnuk kơna lăng ba ƀơi tơring glông Chợ Đồn, tơring čar Bắc Kạn.

VOV4.Jarai-Tlam lơ 29/1, ƀơi anom bruă mir sir, Khua mir sir Võ Văn Thưởng tŭ jum hơdôm čô khua anih jưh pơ ala dêh čar Ba Lan, Español, Bangladesh ba hră mơ-it pơsit rai mă bruă; tŭ jum khua anih jưh pơ ala dêh čar Mozambique nao mă tơngan pơčlah ƀrô abih thun mă bruă ƀơi Việt Nam.

VOV4.Jarai – Amăng tơlơi prăp lui čơkă sa bơyan bơnga phrâo hăng hơdor glăi pơdŏng Ping gah Cộng sản Việt Nam, mơguah lơ 29/1, ƀơi Sang mă bruă Khua pơ ala mơnuih ƀôn sang, Khua git gai wai lăng pơ ala mơnuih ƀôn sang bưp ƀô̆ mơta Khua git gai wai lăng pơ ala mơnuih ƀôn sang ta hơđăp; Ding kơna Jơnum min apăn bruă Khua pơ ala mơnuih ƀôn sang.

VOV4.Jarai – Amăng tơlơi mơ-ak prăp lui čơkă Bơyan Bơnga Giáp Thìn thun 2024, rơwang hrơi tơjuh rơgao, Khul hlăk ai rơnuk Hồ Chí Minh dêh čar ta gum hrŏm hăng Khul hlăk ai tơring čar Gia Lai hăng tơring čar Kon Tum pơphun jơlan hơdră “Tết gum djru, thun ania jơgrai pơplih phrâo” hăng Jơlan hơdră “Bơyan bơnga guai dêh čar – Tết bul ia rơsĭ”. Hơdôm anung gơnam pơdah pran jua, bruă gơgrong mơ̆ng rơnuk hlăk ai hăng neh wa, tơhan ƀơi kual guai dêh čar Kơdư kual Dap Kơdư.

VOV4.Jarai- Tlam lơ 28/1, Khua dêh čar Phạm Minh Chính nao čuă, ƀơk gơnam brơi sang anŏ tui hơdră djru, sang anŏ ƀun rin, ƀing kông ñơn, mơnuih mă bruă ƀơi sang măi Hoàng Long, plơi prong Thanh Hóa.

VOV4.Jarai- Mơguah lơ 28/1, Y Thanh Hà Niê Kđăm, Ding kơna Khul apăn bruă Ping gah, Khua khul djuai ania mơng Ƀirô Khua pơ ala mơnuih ƀôn sang nao čuă, ƀơk gơnam tết ƀơi sa, dua anih anom ƀơi tơring čar Dak Lak.

VOV4.Jarai – Lơ 28/1, Kơ-iăng Khua dêh čar ta Lê Minh Khái hrŏm hăng grŭp hyu mă bruă nao čuă hăng ƀơk gơnam tam Tết kơ hơdôm bôh sang anô̆ ƀun rin, sang anô̆ gah hơdră bruă ƀơi tơring glông Nậm Pồ hăng Mường Chà, tơring čar Điện Biên.

VOV4.Jarai-Kơnong dŏ glăi 2 wơ̆t hrơi tơjuh đôč, truh yơh hrơi čơkă têt thun phrâo Giáp Thìn, samơ̆ lăng hyu bruă sĭ blơi gơnam têt ăt dŏ leh luai ƀu dik dăk kah hăng tơđar thun ôh. Ƀing sĭ mơdrô anet hăng ƀing ba gơnam sĭ mơdrô hlăk dŏ tơguan mơnuih ƀôn sang hyu blơi gơnam têt amăng rơwang hrơi tơjuh jĕ giăm truh hrơi čơkă thun phrâo ƀong têt.