Anai lĕ sa amăng hơdôm sang hră kual ataih, asuek, hơmâo pơphun ngă lơphet mut sang hră tañ hloh amăng tơring čar. Rơbêh 180 čô čơđai sang hră amăng sang hră gưl I Čư̆ Pui 2, sang hră pơdong amăng plơi Ea Rớt, să Čư̆ Pui, tơring glông Krông Bông, tơring čar Dak Lak nao ngă lơphet mut sang hră tañ ƀiă thun hrăm 2024-2025. Anai lĕ sa amăng hơdôm boh sang hră tơnap tap biă mă amăng tơring čar Dak Lak, jum dar lĕ kơčong čư̆, jơlan nao rai tơnap, mrô sang anŏ ƀun rin truh rơbêh 90%.

Nai Nguyễn Hồng Thuần, Khua sang hră gưl I Čư̆ Pui 2 brơi thâo: Thun hrăm 2024-2025, sang hră hơmâo 7 anih pơtô hrăm hăng 186 čô čơđai. Sang anŏ ƀing čơđai lêng ataih yua anun tong krah blan 8 sang hră hơmâo gum hrŏm hăng hơdôm anih pơtô hrăm pơanur ƀing amĭ ama čơđai đing nao bruă ba čơđai nao sang hră. Sang hră ăt prap lui djop mơta kiăng ƀing čơđai mut sang hră hăng pran jua hur har mơ-ak hăng ba glăi tŭ yua.