Nao tom Khua git gai Ping gah ơi Tô Lâm hơmâo Khua dêh čar ơi Phạm Minh Chính, Khua git gai pơ ala mơnuih ƀôn sang dêh čar ơi Trần Thanh Mẫn hrŏm hăng lu khua mua pơprong mơ̆ng Ping gah, Kơnuk kơna ta. Việt Nam hăng Kur ak pơdong tơlơi rô nao rai amăng lơ 24/6/1967, ră anai Việt Nam jing gŏp sĭ mơdrô prong tal 3 mơ̆ng dêh čar Kur, tơdơi kơ dêh čar Khač hăng Mi. Tal nao mă bruă mơ̆ng Khua git gai Ping gah ơi Tô Lâm jing hrơi kiăng khua mua dua boh dêh čar pơtom hiăp, pơčrông sai luh hloh, kjăp tui tơlơi đăo kơnang kơđi čar, pơtrut ngă tŭ yua djŏp tơlơi hơmâo kĭ; mơ̆ng anun ngă dlăm tui tơlơi rô nao rai mơ̆ng đưm plah wah dua Ping gah, dua Kơnuk kơna, pơtrut ba tơlơi jê̆ giăm Việt Nam - Kur đĭ kyar hloh dong.

Hlâo kơ anun, amăng tal nao čuă dêh čar Lao, Khua git gai ping gah ơi Tô Lâm hơmâo mông bơkơtuai hăng khua git gai ping gah, Khua mir sir dêh čar Lao, ơi Thongloun Sisoulith; nao mă tơnga bưp khua dêh čar Lao ơi Sonexay Siphandone, Khua git gai pơ ala mơnuih ƀôn sang Lao, Saysomephone Phomvihane; čơkă khua Jơnum min djop djuai ania dêh čar Lao man pơdong Lŏn ia, Kikeo Khaykhamphithoune; čuă sang bruă khua anih jưh pơ ala dêh čar Việt Nam ƀơi dêh čar Lao hăng bưp ră ruai tom mơnuih ƀôn sang Việt Nam ƀơi dêh čar Lao….Ƀrô djơ̆ tal anai mơ̆n, Khua dêh čar ơi Phạm Minh Chính bưp Khua dêh čar Lao, ơi Sonexay Siphandone; Khua git gai pơ ala mơnuih ƀôn sang dêh čar ta ơi Trần Thanh Mẫn ăt hơmâo bưp Khua gt gai pơ ala mơnuih ƀôn sang Lao, Saysomphone Phomvihane; khua mua hơdôm ding jum, anom bruă gơnong dlông dua bơnah dêh čar ăt hơmâo bưp nao rai, lăi pơthâo tơlơi pơhing tơdruă, bruă kơtưn ngă hrŏm dua bơnah.

Amăng tal nao čuă anai, hơmâo jơnum kĭ pơkôl lu hră pơar ngă hrŏm dua bơnah. Amăng tal nao čuă jơmư anai, ăt pơphun lu mông bưp kĭ pơkôl dua bơnah djop ding jum, anom bruă gah pơtô pơhrăm, tơlơi phiăn hăng ngă hrŏm plah wah hơdôm tơring čar ƀôn prong, tŏ tui ngă atur kơjăp tơlơi phiăn hăng pran jua phrâo, mă bruă rơđah rơđong hloh lir hơbit tong ten amăng bruă ngă giăng mah dua bơnah dêh čar.