Hơdôm kơčăo bruă pơprong anun man pơdong giăm 790 hektar. Hlâo kơ anun, Jơnum min mơnuih ƀôn sang tơring čar Quảng Ngãi hơmâo pơsit laih akŏ bruă, boh tơhnal juă nua ruah mă pô tuh pơ alin či ngă bruă anai.

Rơđah biă ñu, kông ty wai lăng mă pô Group Sun World hrŏm hăng sang bruă ngă hrŏm kông ty ngă pô wai lăng jơlan glông, man pơdong Việt Nam hăng kông ty ngă pô wai lăng bruă sĭ mơdrô gơnam yom ƀu thâo pơđuăi hyu Ngôi sao Phú Quốc jing hơdôm sang bruă mơdrô pơprong ngă bruă. Tơdơi kơ ngă giong, 3 kơčăo bruă anai, man pơdong plơi prong hiam amra pơdah thâo 14.000 mơta gơnam sĭ glăi kah hăng anih anom lŏn mơnai, sang dŏ pơprong, anih ngui ngor hiam djop mơta. Hơdôm kơčăo bruă tuh pơ alin anai kiăng pơkă glăi hnơ̆ng man pơdong ƀơi Dap Kơdư laih anun pơkă hnơ̆ng man pơdong anih tuai hyu ngui pơdơi pơdă ƀơi Măng Đen, ƀơƀrư̆ yak nao akŏ pơjing kual bơwih ƀong huă beč bal rơnuk phrâo mơ̆ng tơring čar Quảng Ngãi.