Tơdơi kơ hrơi čơkă jum, Khua git gai Ping gah ơi Tô Lâm hăng Khua git gai Ping gah, Khua mir sir dêh čar Lao ơi Thongloun Sisoulith hok mơak biă hăng tơlơi đĭ kyar dlăm, tŭ yua hăng sit nik amăng tơlơi rô nao rai ngă hrŏm Việt Nam - Lao thun blan rơgao.

Hăng hơdôm tơlơi anăp nao prong, sui thun hơmâo dua bơnah tŭ ư, dua čô khua tŭ ư bruă akŏ phun lĕ kiăng pok pơhai ngă hlao amăng rơwang bruă anai mơtăm. Tui anun, dua čô khua kiăng lăi pơhmư̆ tơlơi pơhing, kah pơpha tơlơi thâo mơbruă lơ̆m pok pơhai ngă tui Tơlơi pơtrun jơnum ping gah mơ̆ng ping gah rim boh dêh čar. Hrŏm hăng anun, pơtrut kơtang bruă pơtruh ngă hrŏm tơlơi bơwih ƀong, pơƀut ĕp mơnuih mă bruă, prăk kăk, tơlơi gêh găl, ngă hrŏm kjăp hăng pok pơhai khut djŏp hơdră akŏ phun, hơmâo tơlơi pơtrut đĭ phrâo či pơtruh bruă bơwih ƀong, sĭ mơdrô, tuh pơ alin hăng đĭ kyar amăng kual, gir hơmâo prăk sĭ mơdrô dua bơnah juing 10 klai USD pơ anăp anai./.