Đĭ pơhiăp amăng mông bưp, pơ ala brơi khua mua Ping gah, Kơnuk kơna, Khua git gai Ping gah, Khua mir sir ơi Tô Lâm hok mơ-ak pơpŭ bơni khul mơnuih mă bruă mut phung Việt Nam hơmâo pok pơhia ngă tui klă tal pơplông hăng 150 čô mơnuih ba gru amăng tal pơplông “Pơphô bruă rơgơi, djru bruă klă” hơmâo pơpŭ bơni.

Khua git gai Ping gah, Khua mir sir ơi Tô Lâm lăi pơtong, ƀing mơnuih ba gru amăng mông bưp ƀô̆ mơta anai lĕ ƀing rơgơi bruă hloh, abih pran jua, thâo pơmĭn khin ngă, lêng gơgrong, khin pơplih phrâo, mă bruă ba glăi tŭ yua klă hloh, gir kơtir, glăm ba amăng bruă mă; abih pran yua kơ bruă jao hrŏm, djru brơi lŏn ia, djru ba mơnuih ƀôn sang.