Ta rơh rƀŭn nchră, ăp đại biểu uănh năl nău kan ta lam ntur neh n’hanh tâm dak tâm rlău 50 năm neh dak dơn ngoăy, hăn hao tĭng chủ nghĩa xã hội ndrel đah ăp nău tât bâh nău kan rdâk njêng, hun hao neh dak n’hanh mât ngih dak Việt Nam.

Ntoh ngơi ta rơh rƀŭn nchră, đồng chí Nguyễn Xuân Thắng, Giám đốc Học viện Chính trị ngih dak Hồ Chí Minh lah na nê̆: trong kan bâh nău nglôch lôch 50 năm neh dak dơn ngoăy mbra êng đah nău nglôch lôch 40 năm rgâl mhe ta ntŭk: uănh năl, nglôch lôch, uănh năl nău kan đah nău dơn ngoăy neh dak. Mhâm ƀư an kloh na nê̆ lịch sử bâh nău dơn ngoăy neh dak lĕ pơk luh du trong hun hao mhe bâh neh dak he, nĕ lah lam dak hăn hao tĭng chủ nghĩa xã hội. Đồng chí Nguyễn Xuân Thắng lĕ nkoch tât nău ƀư lôch, n’hao nău dơi mpeh mbơh tơih, ơm ndơ̆ an n’gâng kan chính trị, Ban Bí thư, tâm rgop an geh săk rnglăy, ngăch ndăn an nău nchrăp rdâk njêng văn kiện đại hội 14 bâh Đảng.