Nar 15/5, Mpôl Đại biểu Quốc hội n’gor Dak  Lak hŏ pah kan đah UBND n’gor n’hanh ăp n’gâng kan mpeh nô nău wăng sa- rêh jêng kon nuĭh ta n’gor.

Ta rơh pah kan, ntơh măt kruanh rđău kan ăp n’gâng kan n’gor Dak Lak hŏ nkoch âk  nău jêr jŏt n’hanh dăn đă Trung ương mĭn uănh, droh kô̆ yơn an hun hao wăng sa rêh jêng kon nuĭh ta n’gor tâm let năp tay. Tâm nê,  nkô̆ nău an ƀư  lor lah hun hao ntung trong buăt nthoi mbluh ăp nkual, tâm nkual Tây Nguyên. Geh tât tĭng ƀư ăp bôk  nău kan gưl neh dak, ăp nău rgop dăn đă Quốc hội mĭn uănh rđău  đă ăp n’gâng kan ra uănh tay ăp siƀŭt quy phạm pháp luật gay der bah tâm  chong cheng. Ta rơh pah kan, ăp đại biểu dăn đă âk nkô̆ nău geh tât trong kan: lŭ loih, bảo hiểm, tư pháp, rgâl prăk khay, jay gŭ, ndơ dŏng nsum an nuĭh kan, biên chế an n’gâng kan ntĭm nti, pah kan dăp rgum, dŏng neh…mpôl Đại biểu Quốc hội n’gor Dak Lak rgum nchih ăp nău rgop gay njuăl tât Quốc hội n’hanh ăp n’gâng kan bah lơ mĭn uănh.