Ndrel đah nău leo ƀư âk nău kan mbơh tơih ntuh kơl, tăch rgâl, tâm rgop mpeh tăch rgâl, mbơh tơih nău dơi, nău geh n’hanh ăp ntil ndơ tuch tăm ntoh lư bâh ăp ntŭk tât đah băl mpôl tâm dak n’hanh lam ntur neh, nău pah kan tâm kơl 2 ding đah nkuăl ƀon têh Hồ Chí Minh n’hanh 5 n’gor Tây Nguyên lĕ tă geh uănh khlăy, đah 23 nkô̆ nău tâm kơl kan lĕ geh mbơh tơih tâm ndrĭh. Tâm nĕ, êng rơh rƀŭn nchră mbơh nău ntuh kơl an nkuăl ƀon têh Hồ Chí Minh geh ƀư ta khay 4 năm 2024 lĕ kơl an 5 n’gor Tây Nguyên kuăl jă ntuh kơl ta 558 nău kan, đah lĕ rnoh prăk rlău 300 rbăn rmen prăk, âk nău tâm ton kahgĭt tâm kơl ta trong kan dak si, mât đăp mpăn nău rêh jêng lĕ geh kí tâm ton n’hanh geh mbơh tơih săk rnglăy. Rơh rƀŭn nchră lĕ geh âk mông nar an tâm nchră, tâm mbơh nău kan nkô̆ nău mpeh ntuh kơl an trong kan pă kan, hun hao nkual ndơ geh ƀư nâp nâl, đăp mpăn n’hanh geh nău dơi tâm kơl ta trong kan tuch tăm, rdâk njêng nău tâm rgop tuch tăm mât rong tui ka tăm bri, ndơ tuch tăm công nghệ mhe tâm rgop đah pâl nđaih sinh thái, ntrôl dăng bôk nău kan tâm kơl mât uănh ăp ntil drăp ndơ đah nkuăl ƀon têh Hồ Chí Minh n’hanh ăp n’gor Tây Nguyên.