Nău ntrŭnh aơ yor Ủy ban nhân dân n’gor Đăk Lăk ntrŭnh mbơh gay ma n’hao rnoh khlăy nău ntơ, mât nău knơm n’hanh nău dơi bâh ăp ding. Nău ntrŭnh kan aơ lah njoat hăn dŭt khlăy tâm nău rdâk njêng nău ntơ cà phê Buôn Ma Thuột mô dơn ta ntŭk tăch rgâl tâm dak ma hôm nha ta ntŭk tăch rgâl lam ntur neh. Nău ntrŭnh mbơh na nê̆ mpeh nău ntrŭnh kan nkra ƀư, tâl dŭng n’hanh mât cà phê tâm ban kơt  nchih nău ntơ ndơ ntŭk tăm nkual neh ta Buôn Ma Thuột. Kanŭng ăp ntil ndơ cà phê Robusta geh tăm, rôk bum, nkra ƀư tâm nkual neh geh uănh năl lah ta Buôn Ma Thuột n’hanh ăp nkual dăch meng bâh Đăk Lăk, an tâm di đah nău ŭch ueh ndơ, geh an dŏng ntĭm nkual neh aơ. Ăp ntŭk kan, nuĭh kan geh dŏng an geh mbơh dăn lor n’hanh ƀư tĭng nău ntrŭnh na nê̆ bâh nău tăm tât nkret ƀư.