Kêng măng 27/12, Kruanh UBND n’gor Dak Nông ƀư rƀŭn nchra ưnau ma ƀon lan kan lŏ mir năm 2024, đah nau râng bah 200 nŭih, ntŭk tâm boh nau kan, ntŭk rgum ƀư ntoh lư, ntoh măt ân rlau 63 rbăn nŭih ƀon lan kan lŏ mir tâm n’gor. Aơ lah năm tal 3 mro, Kruanh UBND n’gor Dak Nông tâm nchră ma ƀon lan. Rlau 130 nau ôp, nau đă geh njoăl tât nar rƀŭn. Ăp nau jêr, nkol tâm nau kan tuch tăm, ƀon lan kan lŏ mir, ƀon lan lŏ; nau kơl an bảo hiểm ân tuch tăm, nau kan tuch tăm geh dơi ma ntrơn rgâl trôk nar; ăp nau rgop, mbơh ân nau ndâk tay kan tuch tăm geh njoăl tât Kruanh UBND n’gor Dak Nông.

Tâm nau rgop bah ƀon lan, ntŭk kan, wa Hồ Văn Mười, Kruanh UBND n’gor Dak Nông hŏ rđau đă ăp N’gâng kan, ntŭk kan, ăp nkuăl rgum doh rklaih nau jêr, nkol gay ƀon lan đăp mpăn tuch tăm. Wa Hồ Văn Mười kŏ bonh đă kônh wa kan lŏ mir nsôih tay tâm nau tuch tăm, ngăn lah ăp ntrong kan, ntŭk tâm boh nau kan gay rgum tơm, n’hâm dăng, nau rƀŏng văng sa tuch tăm bah n’gor./.