Năm 2024, Rnâng kan Đảng ủy, n’gâng kan Tư lệnh Quân khu 5 lĕ leo kan, ntĭm đă mpôl kan tahen Quân khu 5 mbơh tơih ƀư tĭng răng dăng, tâm ban, geh săk rnglăy ăp Nghị quyết, nău ntĭm đă, trong kan tơm bâh Quân Ủy Trung ương, n’gâng kan mât rnă njrăng ngih dak mpeh nău kan tahen, mât rnă njrăng ngih dak, mât neh dak ta rơh mhe. Quân khu 5 tâm rgop đah ăp n’gor, nkuăl ƀon têh leo kan rdâk njêng nkual mât njrăng, nău kan tâm  rdâng kan ăp nar lơ ma ƀư ueh. Ntoh ngơi ta rơh rƀŭn rƀŭn nchră, Thượng tướng Hoàng Xuân Chiến, groi kruanh n’gâng kan mât rnă njrăng ngih dak đă rgum mât kơl rdâk njêng mpôl kan tahen Quân khu 5 ăp nar lơ ma nâp nâl lĕ rngôch mpeh chính trị, nău mĭn, an tâm di đah nău ŭch dơi kan tâm rơh mhe. Ntĭm nti nău way ơm 80 năm bâh tahen n’hanh nchrăp an 80 năm nău way ơm bâh mpôl tahen quân khu n’hanh ăp nău kan têh bâh neh dak an ueh gay ma geh trong kan chính trị nâp nâl, răng dăng ta năp ăp nău jêr jŏt.